Accessibility links

کاربەدەستانی ئێران دەڵێن بومەلەرزەکەی ئەمڕۆی بوشەهر زیانی نەبووە


کاربەدەستانی ئێران دەڵێن ئەو بومەلەرزەیەی بەیانی ئەمڕۆ پـێنجشەممە لە ناوچەیەکی باشوری ڕۆژهەڵاتی شاری بوشەهری دا، هیچ زیانێکی گیانی و مادی لێنەکەوتووەتەوە.

عەبدوڵڵا نادری فەرمانداری ناوچەی دەشتی پارێزگای بوشەهر بە ئاژانسی دەنگ‌وباسی فەرمی وڵاتەکەی گوت ئەو بۆمەلەرزەیەی ئەمڕۆ لە کاژمێر 11:04 ی بەیانی بە گوڕی 5.9 بە پـێوەری ڕێختەر لە شارۆچکەی کاکی دا، زیانی نەبووە و هەتا ئامادەکردنی ئەم هەواڵە هیچ ڕاپـۆرتێکیان پـێ نەگەیشتووە باس لە ئاکامی خراپی بومەلەرزەکە بکات.

لە لایەکی دیکە مەحمود جەعفەری بەڕێوەبەری ئەو دەزگا ناوکیـیەی ڕووسیا لە باشوری بوشەهر بۆ بەرهەمهێنانی وزەی کارەبا دروستیکردووە، بە کەناڵی تەلەفیزیۆنی فەرمی وڵاتەکەی گوت بومەلەرزەکە کاری نەکردووەتە سەر ناوچەی نزیک دەزگاکەیان.

XS
SM
MD
LG