Accessibility links

به‌های دراوی ئێران دێته‌ خوارێ


به‌های دراوی ئێران دێته‌ خوارێ
به‌های دراوی ئێران دێته‌ خوارێ

ڕاپـۆرته‌کان له‌ ئێرانه‌وه‌ وه‌ها ڕاده‌گه‌یه‌نن که‌ دراوی وڵاته‌که‌ له‌ به‌رامبه‌ر دۆلاردا زۆر هاتۆته‌ خوارێ ، ئه‌مه‌ش دوو ڕۆژ پاش ئه‌وه‌ی سه‌رۆکی وڵاته‌ یه‌کگرتووه‌کانی ئه‌مه‌ریکا به‌راک ئۆباما سـزایه‌کی نوێی واژووکرد که‌ له‌وانه‌یه‌ له‌سه‌ر بانکی ناوه‌ندی ئێران و سیسته‌می دارایی کاریگه‌ری هه‌بێت.

بازرگانان گوتیان ئه‌مڕۆ دووشه‌ممه‌ نرخی ئاڵۆگۆڕی دراوی وڵاته‌که‌ له‌ ده‌وروبه‌ری 17 هه‌زار ڕیاڵ به‌رامبه‌ر به‌ دۆلارێـک بووه‌، واته‌ نزیکه‌ی 10% به‌هاکه‌ی هاتۆته‌ خوارێ به‌راورد به‌ ڕۆژی پـێـنجشه‌ممه‌.

سـزا نوێـیه‌کانی ئه‌مه‌ریکا ئامانجی ئه‌و داموده‌زگا دارایـیانه‌یه‌ ‌که‌ مامه‌ڵه‌ له‌گه‌ڵ بانکی ناوه‌ندی ئێراندا ده‌که‌ن. ئه‌گه‌ر بێت و به‌ ته‌واوی پـیاده‌ بکرێن ئه‌وا ڕه‌نگه‌ کاربکاته‌ سه‌ر فرۆشـتنی نه‌وتی ئێران له‌ بازاڕه‌کانی جیهاندا. ئه‌م هه‌نگاوه‌ هه‌وڵێـکه‌ بۆ دانانی کۆسپ له‌ به‌رده‌م ئێران له‌ دابینکردنی پاره‌ و پـول بۆ به‌رنامه‌کانی موشه‌کی و ناوکی وڵاته‌که‌ی.

XS
SM
MD
LG