Accessibility links

لە ئەنجامی دوو هێرشدا بۆ سەر مەزاری خومەینی و پەرلەمانی ئێران 12 کەس کوژراون و 42 کەسیش برینداربوون

  • VOA News

دەزگای هەواڵی ئێرانی ڕایگەیاند ئەمڕۆ چەند چەکدارێک هێرشیان کردووەتە سەر مەزارگەی ئایەتووڵڵا خومەینی و پەرلەمانی ئێران و لە ئاکامدا بە لایەنی کەم 12 کەس کوژراون و 42 کەسی دیکە برینداربوون.

ئیلیاس حەزرەتی بە تەلەفیزیۆنی ئێرانی وت سێ هێرشبەر یەکێکیان دەمانچەی پێبووە و دوانەکەی تر کڵاشینکۆفیان پێبووە هێرشیان کردۆتە سەر پەرلەمان.

دەزگای هەواڵی ئای ئێس ئێن ئەی ڕایگەیاند کاربەدەستێکی ئێرانی وتوویەتی یەکێک لە چەکدارەکان لەلایەن هێزەکانی ئاسایشەوە چواردەوردراوە و هەموو دەرگاکانی پەرلەمانیش داخراون.

وتی " من لەناو پەرلەماندا بووم کاتێک کە تەقەکردنەکە ڕوویدا."

یەکێک لە ڕۆژنامەنووسەکانی کە لەوێ بووە و نەیویست ناوی بڵاوبکرێتەوە وتی " هەموومان سەرسام بووین و دەترساین. دوو پیاوم بینی کوێرانە تەقەیان دەکرد."

دەزگای هەواڵی فارس وتی دوای نزیکەی کاتژمێرێک چەکدارێکی تر تەقەی لە مەزارگەی ئایەتوڵڵا خومەینی کردووە و لەوێش چەند کەسێک برینداربوون.

داعش لە ڕاگەیاندنێـکیدا بەرپرسیارێتی خۆی لە هێرشەکە ڕاگەیاند و کورتە ڤیدیۆیەکی بڵاوکردەوە کە تیایدا دوو کەس بە زمانی عەرەبی هوتاف دەکێشن.

سەرچاوە / VOA

XS
SM
MD
LG