دکتۆر سەعدەدین مەلا دەڵێت که کورد بە گشتی هیوادەخوازێت ئەمەریکا و دامەزراوە سیڤیلیەکان رۆڵی خۆیان بگێڕن بۆ گۆڕینی بڕیاری سەرۆک ترەمپ پەیوەست بە کشانەوەی هێزەکانی ئەمەریکا لە سوریا لەبەر ئەوەی وەک دەڵێت شەڕی دژ بە داعش هێشتا بەتەواوی کۆتایی نەهاتووە.
هه‌روه‌ها جه‌خت ده‌کات که ئەگەر ئەمەریکا هەر لە باکوری رۆژهەڵاتی سوریا دەریش دەچوو، دەبوایە رێکەوتنێکی عادیلانەی لەگەڵ تورکیا بکردایە بۆ پاراستنی کوردەکان. دکتۆر سەعدەدین دەشڵێت ئەمەریکا بە کێشانەوەی هیزەکانی خۆی لەو ناوچەیە ، متمانەی خۆی لەسەر ئاستی جیهان لەدەستدا.
تەواوی ئەم گفتوگۆیەی سمکۆ عەزیز لە بەشی کوردی دەنگی ئەمەریکا لەگەڵ دکتۆر سەعدەدین مەلا سیاسەتمەداری سەربەخۆی دانیشتوی وڵاتی سوید ئەنجامیداوە ،لەم فایلە دەنگیەدا دەبیستن.
