Accessibility links

کاربه‌ده‌سـتانی هه‌نگاری ده‌ڵێن هیچ درزی نوێـیان له‌ عه‌مباره‌ تێـکشـکاوه‌که‌دا به‌دی نه‌کردووه‌


پـیاوێـک له‌ گوندی کۆلۆنتاری هه‌نگاریا به‌ لای ماڵێـکدا تێپه‌ڕ ده‌بێت که‌ به‌هۆی ڕژانی قوڕ و لیته‌ی ژه‌هراوی عه‌مباره‌ تێـکشـکاوه‌که‌ زیانی پـێـگه‌یشتووه‌، چوارشه‌ممه‌ 6 ی ده‌ی
پـیاوێـک له‌ گوندی کۆلۆنتاری هه‌نگاریا به‌ لای ماڵێـکدا تێپه‌ڕ ده‌بێت که‌ به‌هۆی ڕژانی قوڕ و لیته‌ی ژه‌هراوی عه‌مباره‌ تێـکشـکاوه‌که‌ زیانی پـێـگه‌یشتووه‌، چوارشه‌ممه‌ 6 ی ده‌ی

ده‌سه‌ڵاتداران له‌ خۆرئاوای هه‌نگاریا ده‌ڵێن هیچ درزێـکی نوێ له‌ دیواری باکور عه‌مباره‌که‌ به‌دی نه‌کراوه‌ که‌وا باوه‌ڕ ده‌کرا له‌ ڕۆژی شه‌ممه‌ له‌ داڕمان نزیک بووبێته‌وه‌.

گوته‌بێژی ده‌زگای کاره‌سـات به‌ په‌یامنێرانی ڕاگه‌یاند له‌ ئه‌مڕۆ یه‌کشه‌ممه‌ که‌وا درزه‌ کۆنه‌کان چاککراونه‌ته‌وه‌ و دیوارێـکیش بۆ پاراسـتنیان له‌ ده‌وری ناوچه‌ زیان پـێـگه‌یشـتووی‌ عه‌مباره‌که‌ بونیادکراوه‌ بۆ ئه‌وه‌ی ڕێ له‌ لیککردنی زیاتر بگرێت.

به‌رپـرسان له‌ ڕۆژی شه‌ممه‌ ڕایانگه‌یاندبوو که‌وا درز له‌ دیواری عه‌مباره‌که‌دا به‌دی ده‌کرێت و گوتبوویان ئه‌گه‌ر بێت و ئه‌و دیواره‌ داڕمێت ئه‌وا 500 هه‌زار مه‌تر سێ‌جای تر له‌و قوڕه‌ ژه‌هراویـیه‌ بڵاوده‌بێته‌وه‌.

ده‌سه‌ڵاتداران نزیکه‌ی 800 که‌سیان گواستۆته‌وه‌ له‌ گوندی کۆلۆنتار که‌ له‌ نزیک عه‌مباره‌ زیان پـێـگه‌یشـتووه‌که‌ی خۆرئاوای هه‌نگاریا ده‌ژیان.

جێی باسه‌ عه‌مباره‌که‌ هی کارگه‌یه‌کی ئه‌لمنیۆمه‌ و بۆ کۆکردنه‌وه‌ی پاشـماوه‌ ژه‌هراویـیه‌کان به‌کارهاتبوو.‌

بابه‌تی په‌یوه‌ندیدار

XS
SM
MD
LG