ڕۆژی شەممە بەرپرسێکی گروپی چەکداری حیزبوڵای لوبنان وتی گروپەکە هیچ زانیارییەکی نیە سەبارەت بە هێرشەکەی سەر ڕۆماننووس سەلمان ڕوشدی.
بەرپرسەکە حیزبوڵا کە نەیویست ناوی ئاشکرا بکات بە ڕۆیتەرزی وت " ئێمە هیچ شتێک لەم بابەتە نازانین، لەبەر ئەوە لێدوان نادەین."
حیزبوڵا لەلایەن ئێرانەوە پشتیوانی لێدەکرێت، ڕابەری باڵای پێشووی ئێران ئایەتوڵا ڕوحوڵا خومەینی لە ساڵی 1988 دا فەتوایەکی دەرکرد و تیایدا داوای لە موسوڵمانان کرد ڕوشدی بکوژن.
ڕوشدی بە چەقۆ هێرشی کرایەسەر، پۆلیس دەڵێت هێرشبەرەکە 24 ساڵە و ناوی هادی مەتەڕە لە نیوجێرسی. سەرۆکی شارەوانی شاری یارونی باشووری لوبنان عەلی تەهفی بە ڕۆیتەرزی وت مەتەڕ بە ڕەچەڵەک لوبنانییە و خێزانەکەی لە شارۆچکەی یارونی باشووری لوبنان بوون.
تەهفی وتی دایک و باوکی مەتەڕ کۆچییان بۆ ئەمەریکا کردووە و مەتەڕ لە ئەمەریکا لە دایک بووە و هەر لەوێش گەورە بووە.
کاتێکیش پرسیاری لێکرا سەبارەت بەوەی ئایا مەتەڕ یاخود دایک و باوکی پەیوەندییان بە حیزبوڵاوە هەبووە یاخود پشتیوانییان لەو گروپە کردووە، تەهفی وتی " هیچ زانیارییەکم نیە " لەسەر بۆچوونی سیاسیی مەتەڕ یاخود دایک و باوکی چونکە ئەوان لە دەرەوە ژیاون.
سەرچاوە/ ڕۆیتەرز