له ئاکامی زنجیره‌یه‌ک هێرش له سه‌رانسه‌ری عێراق و به تایبه‌تیش له به‌غدا که زیاتر ده‌زگا ئاسایشیـیه‌کانیان کرابوونه ئامانج به لایه‌نی که‌م 55 که‌س کوژراون و زیاتر له 225 که‌سی دیکه‌ش برینداربوون.
سه‌باره‌ت به‌و ڕووداوه تیرۆریستییانه‌ی عێراق جه‌نه‌راڵ حوسێن عه‌لی که‌مال جێگری وه‌زیری ناوخۆ بۆ کاروباری هه‌واڵگری له وتووێژێکدا له‌گه‌ڵ حه‌یده‌ر که‌ریم له به‌شی کوردی ده‌نگی ئه‌مه‌ریکا گوتی بنکه‌کانی پشکنین له‌مه‌دا که‌مته‌رخه‌میان کردووه، له‌به‌ر ئه‌وه‌ی پێشتر کۆمه‌ڵه تیرۆریستییه‌کان مه‌به‌ستی خۆیان ئاشکرا کردبوو که هه‌وڵی تێکدانی ڕه‌وشه‌که‌ده‌ده‌ن به تایبه‌تیش بۆ ڕێگاگرتن له سازدانی کۆبوونه‌وه‌ی لوتکه‌یی کۆمکاری عه‌ره‌بی.
ده‌توانن گوێبیسـتی ده‌قی وتووێژه‌که بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی 4:49 خوله‌كه.
