بەر لە کۆبوونەوە چاوەڕوانکراوەکەی یەکێتی ئەوروپا کە تیایدا باس لە پەیوەندیەکانی نێوان ئەنقەرە و یەکێتیەکە دەکرێت، سەرۆک وەزیری یۆنان کیریاکۆس میتسوتاکیس سەرکۆنەی " دوژمنکارییە " بەردەوامەکانی تورکیای کرد.
دوای کۆبوونەوەکەی لەگەڵ سەرۆکی قوبرس نیکۆس ئاناستاسیادسدا، سەرۆک وەزیری یۆنان وتی " دوژمنکارییە بەردەوامەکانی تورکیا دژی کۆماری قوبرس دەبێتە هۆی لەناوبردنی هەوڵەکان بۆ باشکردنی پەیوەندییەکانی ئەنقەرە لەگەڵ ئەوروپا و زیندووکردنەوەی دانوستانەکان سەبارەت بە کێشەی قوبرس."
وابڕیارە ڕۆژی پێنجشەممە ڕابەرانی وڵاتانی ئەندام لە یەکێتی ئەوروپا تاوتوێی کۆمەڵێک بابەت بکەن، لەوانەش بابەتی پەیوەندییەکانیان لەگەڵ تورکیادا.
سەرچاوە/ فرانس پرێس