Accessibility links

دادوەرانی ئاڵمان لێکۆڵینەوە لە سەر ئیدعای خانمێکی ئێزدی دەکەن


ئەو خانمە لە عێراق لە ژێردەستی ئەندامێکی داعش بە ناوی ئەبو حومام دا بێ ڕێزی پێکرا

دادوەرانی فێدڕاڵی ئاڵمان دەڵێن ئەوان ئیدعای ژنێکی ئێزدی بە هێند وەردەگرن کە لە نەکاو تووشی ئەو پیاوە لە ئاڵمان بوو کە پێشتر بە دیلی گرتبوو، بەلام دەلێن بۆ ناسینی کەسەکە پێویستیان بە زانیاری زیاتر هەیە.

گوتەبێژی دادوەران فراوکێ کۆیلێر شەمە بە ئاژانسی ڕۆیتێرزی گوت کە لێدوانی ئەو ژنە بۆ کاربەدەستان "بە شێوەی پێویست جیدی نیە" و کاتێک هەویستیان کە بە دوای مەسەلەکەدا بچن ئەو خانمە ئاڵمانی جێ هێشتبوو.

ئەشوەق حاجی حەمی، تەمەن ١٩ ساڵ، بە ئاسۆشتێتدپرێسی گوت ئەو لە عێراق لە ژێردەستی ئەندامێکی داعش بە ناوی ئەبو حومام دا بێ ڕێزی پێکرا، کە ناوی ڕاستەقینەوە ئەو کابرایە محەمەد ڕەشیدە.

دوای خۆدەربازکردنی، ئەو گۆیا لە ساڵی ٢٠١٦ و جارێکی دیکە لە مانگی ٢ی زاینی ئەم ساڵ جارێکی دیکە تووشی ئەم پیاوە دەبێتەوە. ئەو خانمە پولیس ئاگادار دەکاتەوە کە دوو جاران ئەو پیاوەی دیوە، بەڵام لە ترسی گیانی خۆی لە مانگی شەشی زاینی ئەم ساڵ گەراوەتەوە عێڕاق.

کۆیلر گوتی دادوەران ئەگەر ئەو خانمە گەڕێتەوە ئاڵمان دەیانەوێت جارێکی دیکە قسەی لە گەڵ بکەنەوە.

XS
SM
MD
LG