پۆلیسی فەرەنسا ڕایگەیاند ئوتومبێلێکی پڕ تەقەمەنی لە شەقامی شانزەلیزێی پاریس لە فەرەنسا خۆی کێشاوە بە ئوتومبێلێکی پۆلیسدا و لە ئەنجامدا شۆفێری ئوتومبێلەکە کوژراوە.
کاربەدەستانی فەرەنسا دەڵێن هێرشەکە لە ئەنقەست بووە و هیچ کەسێکیش لە پێکدادانەکەدا بریندار نەبووە.
ڕاپۆرتە سەرەتاییەکان دەریدەخەن شۆفێرەکە تەمەنی 31ساڵ بووە و لەلایەن کاربەدەستانەوە ناسراو بووە و پەیوەندیی هەبووە بە توندڕەوەکانەوە.
وتەبێژی وەزارەتی ناوخۆی فەرەنسا وتی تیمی پوچەڵکردنەوەی تەقەمەنی لەشوێنی ڕووداوەکە ئاماەبوون و پۆلیسیش وتی کڵاشینکۆفێک و دەمانچەیەک و چەند بوتلێکی گاز لەناو ئوتومبێلەکەدا دۆزراونەتەوە.
دادوەری ڕووبەڕوونەوەی تیرۆری فەرەنسا لێکۆڵینەوەیەکی کراوەی ڕاگەیاند سەبارەت بە ڕووداوەکە.
سەرچاوە/VOA