Accessibility links

وەزیری دەرەوەی فەڕەنسا دەڵێت ئێران دەیەوێت میحوەرێک بۆ دەسـتێوەردانی خۆی دروستبکات


وەزیری دەرەوەی فەڕەنسا ڕەخنە لە ئێران دەگرێت و دەڵێت کۆماری ئیسلامی هەوڵ دەدات میحوەرێک بۆ دەسـتێوەردانی خۆی دروستبکات لە سوریاوە بەرەو دەریای ناوەڕاست و ئەمەش جێی قبوڵ نیـیە.

ژان ئیف لودغیان لە چاوپـێکەوتنێـکدا لەگەڵ کەناڵی (فەڕەنسا 2 ) گوتی" بوونی ئێران لە سوریا و خواستی بۆ دروستکردنی میحوەرێک لە دەریای ناوەڕاستەوە بۆ تاران: نەخێر!"

گوتیشی ئێران بە چەکدار و میلیشیاکانی حزبوڵڵای لوبنان یارمەتی بەشار ئەسەد سەرۆکی سوریا دەدات لە شەڕی ناوخۆی سوریادا. هەروەها باسی لە ڕووسیاش کرد کە بە هێزی ئاسمانی و پـشتیوانی زەمینی یارمەتی ڕژێمی سوریای داوە.

هەروەها لودغیان گوتی ئێران ڕکابەری عەرەبستانی سعودیـیە دەکات تاوەکو لە هەرێمەکەدا باڵادەست ببێت.

جێی ئاماژەیە ئەمە یەکەم جار نیـیە وەزیری دەرەوەی فەڕەنسا ڕەخنە لە ئێران بگرێت. پـێشتر لە مانگی یازدە لە لێدوانێکیدا گوتی ئێران دەیەوێت خۆی لە ڕۆژهەڵاتی ناوەڕاست بسەپێنێت، هەر لە لوبنان و یەمەنەوە هەتا سوریا و عێراق.

XS
SM
MD
LG