Accessibility links

سەرۆکی فەڕەنسا لە وڵاتی چین


سەرۆکی فەڕەنسا لە چین ئاماژە بەوە دەکات چین و ئەوروپا پێویستە پێکەوە کاربکەن لەسەر بەرنامەی "پشتێنە و ڕێگا" ی بێژینگ، واتە ئەو پڕۆژەیەی بۆ پێکهێنانی ڕێگەی ئاوریشمییە.

ئیمانوێل ماکرۆن، ئەو پڕۆژەیە وەها ناودێر دەکات کە ناشێت یەک لایەنە بێت.

سەرۆکی فەڕەنسا ئەمڕۆ دووشەممە دەستیکردووە بە سەردانێک بۆ وڵاتی چین و لە میانەی ئەم سەردانەشیدا چۆتە مۆزەخانەی جەنگاوەرانی تاراکۆتا لە شاری شییان.

ئیمانوێل ماکرۆن لەو سەردانەیدا بۆ مۆزەخانەکە وتارێکی پێشکەش کردووە بە کارداران و ئەکادیمیستییەکان و خوێندکارانیش و تیایدا جەختی کردۆتەوە لەوەی "ڕێگەی ئاوریشم" هەرگیز تەنها هی چین نەبووە.

دوای سەردانە سێ ڕۆژیەکەی بۆ شاری شییان ماکرۆن و شاندەکەی پێکهاتووە لە کارگێڕانی کارداری و کاربەدەستانی وڵاتەکەی سەردانی بێژینگ دەکەن.

سەرۆکی فەڕەنسا لە هەوڵی پێکهێنانی هاوبەشییەکی ستراتیژیدایە لەگەڵ بێژینگدا لەسەر ژمارەیەک دۆسێ لەوانە تێرۆریزم، گۆڕانی کەش و هەوا و هەروەهاش هەوڵدان تا سەرۆکی چین ببێتە هاوپەیمانێک بۆ پەیماننامەی پاریس کە تایبەتە بە ژینگە و گۆڕانکاری کەش و هەوا.

XS
SM
MD
LG