تەقینەوەیەکی ئێجگار بەهێز بەیرووتی پایتەختی لوبنانی هەژاند و بەپـێی ڕاپـۆرتەکان دەیان کوژراو و برینداری لێکەوتووەتەوە و دەیان بینای وێرانکردووە.
سەرەتا تەقینەوەیەک بووە و بە دوایدا تەقینەوە بەهێزەکە ڕوویداوە کە لە دەرەوەی پایتەخت لە دوری دەیان کیلۆمەتر دەنگی بیستراوە.
تەقینەوەکە لە بەندەری شارەکە بووە و هەتا ئامادەکردنی ئەم هەواڵە هۆکارەکەی نەزانراوە.
کەشتیـیەکی نزیک بەندەرەکەش زیانێکی زۆری پـێگەیشتووە.
لە تۆڕەکانی پەیوەندی کۆمەڵایەتی چەندین ڤیدیۆی پەیوەست بە ڕووداوەکە بڵاوکراوەتەوە.