Accessibility links

ئەوروپا لێکۆڵینەوە لە " هێرشەکەی " سەر بۆری گواستنەوەی گازی ڕووسیا دەکات بۆ ئەوروپا


دزەکردنی گاز لە بۆری گازی نۆرد ستریم 2 لە ژێر دەریای باڵتیکدا

ئەوروپا لێکۆڵینەوەیەک ئەنجام دەدات لەسەر هۆکاری دزەکردنی گاز لە هێڵی بۆری گواستنەوەی گازی ڕووسیاوە بۆ ئەوروپا لە دەریای باڵتیکدا، هاوکات ئەڵمانیا و دانیمارک دەڵێن هۆکاری دزەکردنەکە هێرش بووە و بووەتە هۆی ئەوەی گازەکە بە شێوەیەکی بەرچاو بڕژێتە ناو دەریای باڵتیکەوە.


وەزیری ئابووری ئەڵمانیا ڕۆبەرت هابێک بە خاوەن کارەکانی گوت دزەکردنەکانی گاز بەهۆی هێرشێکەوە بووە و ئێستا بەرلین دڵنیایە لەوەی دزەکردنەکان بەهۆی " هۆکاری سروشتی یاخود خراپبوونی بۆرییەکەوە نەبووە."

سەرۆک وەزیری پۆڵەندا گوتی هۆکارەکەی کاری تێکدەرانەیە، بەڵام هیچ بەڵگەیەکی نەخستەڕوو. سەرۆک وەزیری دانیمارکیش گوتی ئاشکرایە کە دزەکردنەکان بەهۆی کارێکی بە مەبەستەوە بوون و پۆلیسی سویدیش دەڵێت لێکۆڵینەوەیەکیان دەستپێکردووە سەبارەت بە ئەگەری بوونی " کارێکی تێکدەرانە ".

بەرپرسێکی باڵای ئۆکرانیا گوتی ڕووداوەکە هێرشی ڕووسیا بووە و ئامانج لێی ناجێگیرکردنی ئەوروپا بووە، بەڵام هیچ بەڵگەیەکی نەخستەڕوو.

سەرچاوە/ ڕۆیتەرز

XS
SM
MD
LG