Accessibility links

یەکێتی ئەوروپا سەرکۆنەی هێرشە موشەکییەکانی فەڵەستینیەکان دەکات بۆ سەر ئیسڕائیل


یەکێتی ئەوروپا سەرکۆنەی هێرشە موشەکیەکانی فەڵەستینیەکانی کرد بۆ سەر ئیسڕائیل و داوای لە سەرجەم لایەنەکان کرد کار بکەن بۆ کەمکردنەوەی گرژییەکان و ڕێگەگرتن لە کوژرانی زیاتری هاوڵاتیانی مەدەنی.

فەڵەستینیەکان ژمارەیەکی زۆر موشەکیان ئاڕاستەی ئیسڕائیل کرد و لە وەڵامیشدا سوپای ئیسڕائیل هێرشی ئاسمانی کردە سەر کەرتی غەزە، ئەوەش لەنێوەندی زیادبوونی شەڕ و پێکدادانەکاندا لە شاری ئۆرشەلیم.

کۆمسیۆنی یەکێتی ئەوروپا لە بەیاننامەیەکدا وتی " هەڵدانی موشەک لە غەزەوە بۆ سەر هاوڵاتیانی مەدەنی لە ئیسڕائیل جێی قبوڵکردن نیە و هۆکارێک دەبێت بۆ زیادبوونی شەڕ و گرژییەکان."

وتیشی " شەڕ و پێکدادانەکانی کەناراوەکانی ڕۆژئاوا و ئۆرشەلیمی ڕۆژهەڵات و غەزە و دەوروبەری دەبێت بەزووترین کات ڕابگیرێت."

ڕۆژی دووشەممە بەرپرسی کاروباری دەرەوەی یەکێتی ئەوروپا جۆسێپ بۆڕێڵ سەرکۆنەی دەرکردنی خێزانە فەڵەستینیەکانی کرد لە ئۆرشەلیمی ڕۆژهەڵات و وتی ئەوە کارێکی نایاساییە و هۆکارێک دەبێت بۆ زیادبوونی گرژییەکان.

سەرچاوە/ ڕۆیتەرز

XS
SM
MD
LG