سەرۆکی پەرلەمانی ئەوروپا دەیڤد ساسۆلی وتی پەرلەمانی ئەوروپا ئۆرسۆلا ڤۆن دەیر لینی ئەڵمانی بۆ پۆستی سەرۆکی کۆمسیۆنی ئەوروپا پەسەند کرد، ئەمەش دوای ئەوەی دەنگدانێک ئەنجامدرا و لە دەنگدانەکەدا ڤۆن دەیر لین زۆرترینی دەنگەکانی بەدەستهێنا.
ڤۆن دەیر لین هاوپەیمانێکی نزیکی ڕاوێژکاری ئەڵمانیا ئانگێلا مێرکڵە و پێویستی بە بەدەستهێنانی بەلایەنی کەمەوە 374 دەنگ بوو تاوەکو لەلایەن پەرلەمانی ئەوروپاوە پەسەند بکرێت، لە ئەنجامدا 383 دەنگی بەدەستهێنا.
سەرۆکی پەرلەمانی ئەوروپا وتی 22 پەرلەمانتار دەنگیان نەداوە و کارتی دەنگدانەکەیان بە سپێتی بەجێهێشتووە.
دوای ئەوەی پەسەند کرا وەکو سەرۆکی کۆمسیۆنی ئەوروپا، ڤۆن دەیر لین بەڵێنیدا یەکێتی ئەوروپا " یەکگرتووتر و بەهێزتر " بێت.
لە مانگی یانزەدا ڤۆن دەیر لین دەست بەکاردەبێت.
سەرچاوە/ ڕۆیتەرز