ڕەجەب تەیب ئەردۆغان سەرۆک کۆماری تورکیا ڕۆژی هەینی 8ی مانگی سێ ڕایگەیاند هەڵبژاردنی ناوخۆیی کە لە لە 31 ی مانگی سێدا بەڕێوەدەچێت، دوا دەرکەوتنی دەبێت لە هەڵبژاردنەکاندا.
بەپێی هەواڵێکی ئاژانسی ئەنادۆڵ، ئەردۆغان ڕایگەیاندووە "ئەمە بۆ من یاری کۆتاییە و بەپێی یاسا ئەمە دوا هەڵبژاردنی منە".
ئەردۆغان هەوڵ دەدات دەسەڵات لە شارەوانییەکانی هەردوو شارە گەورەکەی ئەنکەرە و ئەستەنبوڵ وەربگرێت کە لە ساڵی 2019ەوە بەدەست ئۆپۆزسیۆنەوەیە.
ئەردۆغان لە مانگی پێنجی ساڵی ڕابردوو بۆ ماوەی پێنج ساڵی دیکە لە هەڵبژاردنی سەرۆکایەتی کۆماری تورکیادا هەڵبژێردرایەوە و بەم شێوەیەش زیاتر لە 20ساڵە سەرکردایەتی سیاسی تورکیای لەدەستدایە.
سەرچاوە/ ڕۆیتەرز