Accessibility links

دادگایەکی میسر بڕیاری سزای مەرگ بۆ 12 کەس دەدات


دادگایەکی میسر بڕیاری سزای مەرگی بۆ 12 کەس دەرکرد بە تۆمەتی بەشداریکردن لە هێرشێـکدا بۆ سەر بنکەیەکی پـۆلیس لە پارێزگای منیای باشوری وڵاتەکە لە ساڵی 2013 .

دادگای تاوانەکانی منیا ئەمڕۆ دووشەممە ئەم بڕیارەی دا لە دانشتنێـکدا بۆ دادگایی‌کردنی سەدان کەس لەسەر کەیسی ئەو هێرشەی لە ناوەڕاستی مانگی هەشتی ساڵی 2013 کرایە سەر بنکەی پـۆلیسی متای و سووتاندنی بنکەکە و کوشتنی عەقید مستەفا ئەلعەتار جێگری بەڕێوەبەری بنکەکە.

هەروەها دادگاکە سزای زیندانی هەتاهەتایی بۆ 140 کەسی دیکە دەرکرد، و 2 نێوجەوانیش سزای 10 ساڵ هێشتنەوە لە گرتووخانەی نێوجەوانان بۆ دەرکردن. بەڵام 238 کەسی دیکەی بە بێ تاوان ناودێریکردن.

XS
SM
MD
LG