Accessibility links

ئیخوان ئه‌لموسلمینی میسر هه‌ڕه‌شه‌ی بایکۆتکردنی هه‌ڵبژاردنه‌کان ده‌کات


ئیخوان ئه‌لموسلمینی میسر هه‌ڕه‌شه‌ی بایکۆتکردنی هه‌ڵبژاردنه‌کان ده‌کات
ئیخوان ئه‌لموسلمینی میسر هه‌ڕه‌شه‌ی بایکۆتکردنی هه‌ڵبژاردنه‌کان ده‌کات

هاوپه‌یمانی به‌ ڕێبه‌رایه‌تی ئیخوان ئه‌لموسلمینی میسر ‌هه‌ڕه‌‌شه‌ ده‌کات به‌ بایکۆتکردنی هه‌ڵبژاردنه‌کانی په‌رله‌مانی ئه‌وه‌ی بڕیاره‌ له‌ کۆتایی مانگی یازده‌ به‌ڕێوه‌بچێت ئه‌گه‌ر ده‌سه‌ڵاتی له‌شکری وڵاته‌که‌ قانونی نوێی مشتومڕکراو له‌سه‌ری هه‌ڵبژاردن هه‌موار نه‌کات.

له‌ به‌یاننامه‌یه‌کی هاوبه‌شدا له‌ ڕۆژی چوارشه‌ممه‌ له‌سه‌ر ماڵپه‌ڕی ئازادی و ڕه‌وایی ئیخوانی ئه‌لموسلمین داوای گۆڕانکاریـیان ده‌کرد به‌سه‌ر قانونه‌که‌ به‌شێوه‌یه‌ك ڕێ له‌ خۆ کاندیدکردنی پـشتیوانکه‌رانی سه‌رۆکی پێشـوو حوسنی موباره‌ك بگێرێت.

بلۆ‌که‌کان ناڕه‌زاییان ده‌ربڕیوه‌ سه‌باره‌ت به‌و قانونه‌ی که‌ به‌ گوێره‌ی پارتیه‌ سیاسیـیه‌کان ناتوانن یه‌ك له‌سه‌ر سێی کورسیـیه‌کانی په‌رله‌مان پڕ بکه‌نه‌وه‌ چونکه‌ بۆ کاندیده‌ سه‌ربه‌خۆکان دانراون‌.

زۆربه‌ی کۆمه‌ڵه‌ سیاسیـیه‌کانی میسر ده‌ڵێن ئه‌و به‌ربه‌سه‌ته‌ کارئاسانی ده‌کات بۆ خۆ کاندیدکردنی ئه‌ندامانی پێشووی پارتی پێشووی دیموکراتی نیشتیمانی حوسنی موباره‌ك.

به‌یاننامه‌که‌ له‌ لایه‌ن هاوبه‌ندی دیموکراسییه‌وه‌ مۆرکرابوو که‌ گه‌وره‌ترین هاوپه‌مانی وڵاته‌که‌یه‌ و‌ بریتیـیه‌ له‌ پارتی ئازادی و ڕه‌وایی، هه‌ره‌ به‌هێزترێن پارتی سیاسی میسر و هه‌روه‌ها پارتی وه‌فدی لیبڕاڵ.

XS
SM
MD
LG