لەشکری تورکیا جارێکی دیکە بە دەیان تۆپ و موشەک بە قورسی گوندەکانی عەفرینی بۆردومانکرد لە ناوچەکانی شەرا و شێرەوا و هەرێمی شەهبا و لە ئاکامدا 3 کەس گیانیان لەدەستدا و 10 کەسی دیکە برینداربوون.
شەوی دووشەممە لەشکری تورکیا تۆپـبارانی گوندی کەفەر ئانتۆنی هەرێمی شەهبای کرد و بەر ماڵێک کەوت و لە ئەنجامدا دایکێـک و 2 منداڵی گیانیان و 6 کەسی دیکە برینداربوون کە یەکێـکیان منداڵێـکی تەمەن یەک ساڵە.
لە گوندی جلبرێی ناوچەی شێرەوا 4 کەس برینداربوون کە دووانیان ژنن.
دکتۆر خەلیل سەبری بەڕێوەبەری نەخۆشخانەی ئەڤرین لە عەفرین، ژمارەی قوربانیـیەکانی بۆ دەنگی ئەمەریکا پشـتڕاستکردەوە و گوتی هەموویان خەڵکی سیڤیلن و تاکە کەسێـکی سەربازی نە گیانی لەدەستداوە و نە برینداربووە.
پاشان داوایکرد تورکیا بۆردومانەکانی ڕابگرێت، چونکە تەنها خەڵکی سیڤیل بوونەتە قوربانی.
