ڕۆژی 12 ی مانگی داهاتوو هه‌ڵبژاردنی گشتی له تورکیا ده‌کرێت و میدیای تورکیاش باس له گه‌رم و گوڕی هه‌ڵمه‌ته‌کانی هه‌ڵبژاردن ده‌که‌ن.
جه‌نگیز چاندار ، نوسه‌ر و ڕۆژنامه‌وانی تورک ده‌ڵێت ئه‌م هه‌ڵبژاردنه قۆناغێکی نوێ ده‌بێت له تورکیادا که یارمه‌تیده‌ر ده‌بێت بۆ هێنانه ئارای ده‌ستورێکی نوێ له وڵاته‌که‌دا که زۆرێک له سه‌ربه‌خۆیی له خۆ ده‌گرێت و له‌وانه زۆریان په‌یوه‌ندییان به مه‌سه‌له‌ی کورده‌وه هه‌یه له وڵاته‌که‌دا.
به‌ڕێز چاندار ده‌شڵێت زۆر ئه‌سته‌مه له‌م هه‌ڵبژاردنه‌دا هه‌ردوو پارتیه سه‌ره‌کیه‌که‌ی ئۆپزسیۆن (جه‌هه‌په و مه‌هه‌په) بتوانن ڕێژه‌ی پێویستی ده‌نگ بێنن.
له‌سه‌ر بنچینه‌ی گفت و گۆکه‌ی له‌گه‌ڵ جه‌نگیز چانداردا ، هاوکارمان به‌ڵێن ساڵح ئه‌م ڕاپۆرته‌ی ئاماده‌کردووه.
ده‌توانن له‌ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی ڕاپۆرته‌که بن که ماوه‌که‌ی 5:03 خوله‌که.
