ئۆتۆمبیلێـکی بارهەڵگر خۆی کردووە بە نێو بازاڕێـکدا لە بەرلینی پایتەختی ئەڵمانیا و لە ئاکامدا بە لایەنی کەم 9 کەس کوژراون و نزیکەی 50 کەسی دیکە برینداربوون.
هێرشەکە شەوی دووشەممە بوو، لەو دەمەی خەڵکی بۆ کڕینی دیاریـیەکانی کریسمس لە بازاڕەکەدابوون. دەڵێن لە کاتی ڕووداوەکە خەڵکێـکی زۆر لەوێ بوون.
بەپـێی لێکۆڵینەوە سەرەتایـیەکان پـێدەچێت هێرشێـکی تێرۆرستی بووبێت.