Accessibility links

فوئاد عه‌لیکۆ : حکومه‌تی سوریا شه‌ڕ ڕاناگرێت له‌ ترسی ڕوو‌دانی یاخیبوونی سیڤیلی


شاندێکی ئه‌نجومه‌نی نیشتیمانی کورده‌کانی سوریا له‌گه‌ڵ نێردراوێکی وه‌زاره‌تی ده‌ره‌وه‌ی چیندا کۆده‌بنه‌وه‌ به‌ مه‌به‌ستی تاووتوێ کردنی ڕێگه‌ چاره‌یه‌ک بۆ قه‌یرانی سوریا.

فوئاد عه‌لیکۆ ، ئه‌ندامی مه‌کته‌بی سیاسی پارتی یه‌کێتی کورده‌کانی سوریا ده‌ڵێت چینیه‌کان بڕوایان به‌ چاره‌سه‌ریه‌کی ئاشتیانه‌ و سیاسیانه‌ی قه‌یرانی سوریا هه‌یه‌ به‌ڵام وه‌ک به‌ڕێز عه‌لیکۆ ئاماژه‌ی پێکرد پێی وا نییه‌ ده‌رفه‌تێک بۆ چاره‌سه‌ری ئاشتیانه‌ هه‌بێت له‌م دۆخه‌ی سوریادا.

له‌ میانه‌ی گفت و گۆکه‌یدا له‌گه‌ڵ به‌ڵێن ساڵح ، به‌ڕێز عه‌لیکۆ ده‌شڵێت هه‌ر له‌و کۆبوونه‌وه‌یه‌دا باس له‌ هه‌لوێستی کورده‌کانی سوریاش کراوه‌ که‌ خۆیان به‌ به‌شێک له‌ ئۆپزسیۆن و شۆڕشی سوریا ده‌زانن و باوه‌ڕیان به‌ سوریایه‌کی دیموکراتی هه‌یه‌ که‌ مافه‌کانی گه‌لی کوردی تیادا پارێزراو بێت.

ده‌توانن له‌ ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ گوێبیستی ته‌واوی وتووێژه‌که‌ بن که‌ ماوه‌که‌ی 5:29 خوله‌که‌.

بابه‌تی په‌یوه‌ندیدار

XS
SM
MD
LG