Accessibility links

بەهۆی هێرشێکی ئاسمانیەوە بۆ سەر نەخۆشخانەیەک لە لیبیا پێنج کەس کوژران


وتەبێژی نەخۆشخانەیەکی لیبیا لە تەڕابلسی پایتەخت وتی بەهۆی هێرشێکی ئاسمانییەوە بۆ سەر نەخۆشخانەیەکی سەر بە حکومەتی لیبیا پێنج پزیشک کوژران و بەلایەنی کەمەوە هەشت یاریدەدەری پزیشکی دیکە برینداربوون.

جێی ئاماژەیە دوای لەناوبردنی دەسەڵاتی سەرۆکی پێشووی لیبیا موعەمەر قەزافی لە ساڵی 2011 دا ئاژاوە و توندوتیژی باڵی بەسەر لیبیادا کێشایەوە. هێزەکانی ڕۆژهەڵاتی لیبیا " سوپای نیشتیمانی لیبیا " بە ڕابەرایەتی خەلیفە حەفتەر هەوڵدەدەن کۆنتڕۆڵی تەڕابلسی پایتەختی لیبیا بکەن و بەڵام تاوەکو ئێستا لە دەوروبەری تەڕابلس هێزەکانی حکومەتی لیبیا بەرهەڵستی هێرشەکانی هێزەکانی خەلیفە حەفتەر دەکەن و ڕێگەیان نادەن بێنە ناو شارەکەوە.

حکومەتی تەڕابلس بەیاننامەیەکی بڵاوکردەوە و تیایدا سەرکۆنەی هێرشە ئاسمانییەکە دەکات و هێزەکانی حەفتەری تۆمەتبار کرد بە تۆمەتی ئەنجامدانی ئەو هێرشە ئاسمانییە.

وتەبێژی نەخۆشخانەکە مالیک مورسیت بە ڕۆیتەرزی وت نەخۆشخانەکە یارمەتی پزیشکی ئەو هێزانە دەدات کە هاوپەیمانی هێزەکانی حکومەتی لیبیان.

سەرچاوە/ ڕۆیتەرز

XS
SM
MD
LG