ڕێکخراوی چاوه‌دێری به سه‌ر مافه‌کانی مرۆڤ بنکه له شاری نیویۆرک 12 ی مانگی ڕابردوو له راگه‌یه‌ندراوێک دا وێڕای مه‌حکوم کردنی له سێداره‌دانی 5 چالاکی سیاسی له لایه‌ن حکومه‌تی ئێرانه‌وه که چواریان کورد بوون، هه‌روه‌ها هۆشداریشی دا که 17 گیراوی تر له مه‌ترسی له سێداره‌دان دان.
ئه‌حمه‌د ئه‌نده‌ریاری ئه‌ندامی ده‌سته‌ی به‌ڕیوه‌به‌ری ئه‌نجومه‌نی مافه‌کانی مرۆڤی کورد بنکه له سوید، له وتووێژیکی به‌شی کوردی ده‌نگی ئه‌مریکا له‌گه‌ڵ ناوبراو ده‌ڵێت سێ له ئه‌و گیراوانه که بریتین له: زێنه‌ب جه‌لالیان، شیرکۆ مه‌عارفی و حه‌بیب الله له‌تیفی به پیی وته‌ی پاریزه‌ره‌کانیان له مه‌ترسی له سێداره‌دان دان.
هه‌روه‌ها به‌ڕێز ئه‌نده‌ریاری باس له گیراوێکی تر، حه‌بیب الله گولپه‌ری ده‌کات که له گرتوخانه‌ی شاری مه‌هاباده و نزیکه‌ی 20 ڕۆژه مانی له خواردنی ویشک گرتووه.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی 9:16 خوله‌كه.
