Accessibility links

هێزه‌کانی ئه‌ڵمانیا به‌ هه‌ڵه‌ 5 سه‌ربازی ئه‌فغانی ده‌کوژن


هێزه‌کانی ئه‌ڵمانیا به‌ هه‌ڵه‌ 5 سه‌ربازی ئه‌فغانی ده‌کوژن
هێزه‌کانی ئه‌ڵمانیا به‌ هه‌ڵه‌ 5 سه‌ربازی ئه‌فغانی ده‌کوژن

له‌شـکری ئه‌ڵمانیا ده‌ڵێت هێزه‌کانی به‌ هه‌ڵه‌ 5 سه‌ربازی ئه‌فغانیـیان له‌ باکوری ئه‌فغانستان کوشـتووه‌.

کاربه‌ده‌سـتانی ئه‌ڵمانی ده‌ڵێن ڕووداوه‌که‌ ڕۆژی هه‌ینی بووه‌ کاتێـک هێزه‌کانیان به‌ره‌و شوێنی شه‌ڕ و پـێـکدادانێـکدا به‌ڕێـکه‌وتبوون که‌ ڕۆژی هه‌ینی له‌ نزیـک شـاری کوندوز له‌گه‌ڵ یاخیبووانی تاڵیباندا قه‌ومابوو.

هێزه‌کانی ئه‌ڵمانیا به‌ هه‌ڵه‌ 5 سه‌ربازی ئه‌فغانی ده‌کوژن
هێزه‌کانی ئه‌ڵمانیا به‌ هه‌ڵه‌ 5 سه‌ربازی ئه‌فغانی ده‌کوژن

له‌شـکر ده‌ڵێت هێزێـکی ئه‌ڵمانی ته‌قه‌یان له‌ دوو ئۆتۆمبیلی سڤیلی بێ ژماره‌ کردووه‌ کاتێـک ده‌سـتیان لێ‌ڕاگرتبوون و نه‌وه‌سـتابوون. پاشـان بۆ هێزه‌کان ده‌رکه‌وتووه‌ سه‌ربازی ئه‌فغانیـیان تێدا بووه‌.

زوویه‌کی ڕۆژی هه‌ینی له‌و ناوچه‌یه‌دا و له‌ شـه‌ڕێـکدا دژی تاڵیبانه‌کان 3 سه‌ربازی ئه‌ڵمانی کوژران و چه‌ند سه‌ربازێـکی دیکه‌شیان برینداربوون.

ڕۆژی شه‌ممه‌ ناتۆ ڕاگه‌یاندنێـکی سه‌باره‌ت به‌و ڕووداوه‌ بڵاوکرده‌وه‌ و تیایدا پـرسه‌ و سه‌ره‌خۆشی ئاڕاسته‌ی که‌سوکاری سه‌ربازه‌ ئه‌فغانیـیه‌ کوژراوه‌کان کرد. وه‌زاره‌تی به‌رگری ئه‌فغانیش به‌ هه‌مان شێوه‌.

ئێسـتا ناتۆ و وه‌زاره‌تی به‌رگری ئه‌فغانی ده‌سـتیان به‌ لێـکۆڵینه‌وه‌ له‌سه‌ر ڕووداوه‌که‌ کردووه‌.

XS
SM
MD
LG