Accessibility links

له‌ هێرشێـکی خۆکوژی له‌ ئه‌فغانسـتان 9 که‌س ده‌کوژرێن


له‌ هێرشێـکی خۆکوژی له‌ ئه‌فغانسـتان 9 که‌س ده‌کوژرێن
له‌ هێرشێـکی خۆکوژی له‌ ئه‌فغانسـتان 9 که‌س ده‌کوژرێن

به‌پـێی پـۆلیسی ئه‌فغانسـتان خۆکوژێـک ئۆتۆمبیلێـکی بۆمبڕێژکراوی له‌ به‌رده‌م ده‌روازه‌ی بنکه‌یه‌کی ناتۆ و فڕۆکه‌خانه‌ی جه‌لال ئاباد له‌ ڕۆژهه‌ڵاتی وڵاته‌که‌ ته‌قاندۆته‌وه‌ و له‌ ئاکامدا 9 که‌س کوژراون.

سه‌رۆکی ئه‌فغانی حامید کارزایی هێرشه‌که‌ی سه‌رزه‌نشتکرد و به‌ هێرشێـکی نامرۆڤ و ناموسڵمانانه‌ ناوبرد.

کاربه‌ده‌سـتان ده‌ڵێن له‌ نێو کوژراوه‌کاندا 6 هاوڵاتی سیڤیل هه‌ن‌ و سه‌ربازێـکی ئه‌فغانی و 2 پاسه‌وان، هه‌وره‌ها 12 که‌سی دیکه‌ برینداربوون.

گوته‌بێژێـکی تاڵیبان گوتی ئه‌م هێرشه‌ له‌ تۆڵه‌ی سووتاندنی ئه‌و قورئانه‌ی بنکه‌ی ئاسـمانی باگرام بووه‌.

سه‌ره‌ڕای داوای لێبوردن له‌ لایه‌ن سه‌رۆکی ئه‌مه‌ریکا باراک ئۆباما و داوای ئارامی له‌ لایه‌ سه‌رۆک کارزایی‌یه‌وه‌، به‌ڵام هێشـتا ناڕه‌زایی به‌رده‌وامه‌.

جێی ئاماژه‌ پـێـکردنه‌ هه‌تا ئێسـتا به‌هۆی ده‌ربڕینی ناڕه‌زایی‌ به‌رامبه‌ر به‌و ڕووداوه‌ زیاتر له‌ 30 که‌س کوژراون که‌ چواریان سه‌ربازی ئه‌مه‌ریکایـین.

XS
SM
MD
LG