بەرپرسی نەخۆشخانەیەکی ئەفغانی دەڵێت لە هێرشە خۆکوژیەکەی ئەمڕۆ هەینی، ئەوەی لە دەرەوەی حوسەینیەکی شیعەکان لە کابولی پایتەختی کردبووە ئەنجام؛ بەلای کەم 6 کەس گیانیان لەدەستداوە و 20 کەسیش برینداربوون.
دییان پانیک رێکخەری پرۆگرامی نەخۆشخانەکە ئاماری کوژراوان و بریندارانی هێرشە خۆکوژیەکەی ئەمڕۆی پشتراستکردەوە.
عەبدولڕەحمان ئەفسەری پۆلیسی ئەفغانی گوتی هێرشبەرەکە لەسەر جادەکە بە دووری 140 مەتر لە حوسەینی شیعەکان خۆی تەقاندوەتەوە گوتیشی تەقینەوە خۆکوژیەکە دوای نوێژی هەینی ئەنجامی دا ، لەو دەمەی ئامادەبوانی مزگەوتەکە هاتبونە دەرەوە وبەرەو ماڵەکانیان بەڕیکەوتبوون.
شایەتحاڵێک بە ناوی میر حوسەین نەسیری دەڵیت خۆکوژەکە بەرگی شوانی پۆشیبوو مەڕەکانی دەلەوەڕاند.
هاوکات زەبوحڵا موجاهید ، وتەبێژی چەکدارانی تالیبان بە ئاژانسی هەواڵەکانی فرانس پرێسی گوتووە" هێرشە خۆکوژیەکەی ئەمڕۆی کابول هیچ پەیوەندی بە ئێمەوە نیە واتە ئێمە ئەنجامدەری نەبووین."