Accessibility links

سه‌رۆك بوش سوورە له‌سه‌ر ئه‌وەی كه‌ هه‌ڵبژاردنی عێراق له‌ كاتی دیاریكراوی خۆیدا ئه‌نجام بدرێت - 2004-12-03


سه‌رۆك بوش بانگه‌شه‌ی ئه‌و عێراقیانه‌ی ڕەت كردۆته‌وە كه‌ داوای دواخستنی هه‌ڵبژاردنه‌كانی سی مانگی یه‌كیان كردبوو.

سه‌رۆك له‌ ڕۆژی پێنجشه‌ممه‌دا له‌ واشنتۆن به‌ په‌یامنێرانی گوت كاتی ئه‌وە هاتووە ووڵاتیانی عێراقی به‌رە و سندوقی دەنگدان بڕۆن و به‌شداری هه‌ڵبژاردن بكه‌ن.

هه‌روەها به‌ڕێز بوش گوتیشی ئه‌و به‌و داواكارییه‌ی فه‌رماندەكانی له‌شكری ئه‌مریكی بۆ زیادكردنی قه‌بارەی هێزەكانی ئه‌مریكا له‌ 138 هه‌زارەوە بۆ 150 هه‌زار سه‌رباز سه‌رفراز بووە و ئه‌مه‌ش له‌ هه‌وڵێكدا بۆ به‌رەوپێشبردنی بارودۆخی ئاسایشی ووڵات.

له كاتێكدا كه‌ توند و تیژی له‌ چه‌ند به‌شێكی ووڵاته‌كه‌دا به‌ردەوامه‌، سیاسه‌تمه‌دارانی موسوڵمانی سوننه‌ی عێراقی بۆ جارێكی دیكه‌ داوای دواخستنی هه‌ڵبژاردنیان له‌ كردووە.

XS
SM
MD
LG