گروپێكی چه‌كداری ئیسلامی و گروپێكی جوداخوازی سه‌ر به كوردەكان به‌رپرسێتی خۆیان نیشانداوە به‌رامبه‌ر به‌و ته‌قینه‌وانه‌‌ی كه له دوو هۆتێڵی توركیادا ڕوویداوە و بۆته هۆی كوشتنی 2 كه‌س و بریندار بوونی 11 كه‌سی دیكه.
گروپی شه‌هیدانی ئه‌بو حه‌فس ئه‌لمه‌سری له ڕێگه‌ی ئنته‌رنێته‌وە به‌یاننامه‌یه‌كیان بڵاوكردۆته‌وە و دەڵێن ئه‌وان ئه‌و هێرشانه‌یان جێبه‌جێ كردووە. هه‌ر هه‌مان گروپ گوتویان هێرشی زیاتریش له ئه‌وروپا ئه‌نجام دەدەن.
له پاش چه‌ند سه‌عاتێكی كه‌میش له بڵاوكردنه‌وەی ئه‌م ڕاگه‌یاندنه‌ی ئه‌و گروپه ئیسلامیه، گروپێكی كوردیش به‌رپرسێتی خۆیان به‌رامبه‌ر به جێبه‌جێ كردنی ئه‌و هێرشانه نیشاندا.
جێی ئاماژە پێكردنیشه، " دەسه‌ڵاتدارانی توركیا" دەڵێن ئه‌وان باوەڕ دەكه‌ن چه‌كدارە كوردەكان ئه‌و هێرشانه‌یان ئه‌نجام دابێت.