شه‌‌ش له ئه‌‌ندامانی پاسه‌‌وانی نیشتیمانی عیراقی كوژران  - 2004-07-03

خراپكاران له عیراق هێرشیان كرده سه‌‌ر خاڵێكی پشكنین له باشووری به‌‌غدا و به‌‌لایه‌‌نی كه‌‌مه‌‌وه شه‌‌ش ئه‌‌ندامی پاسه‌‌وانی نیشتیمانی عیراقیان كوشت.سه‌‌رچاوه ته‌‌ندروستیه‌‌كان له مه‌‌حمودیه، كه ده‌‌كه‌‌وێته باشووری به‌‌غدا، ده‌‌ڵێن كه چوار پاسه‌‌وانی تریش بریندار بوون. هاوكات كاربه‌‌ده‌‌ستانی له‌‌شكری ئه‌‌مریكی له عیراق ده‌‌ڵێن له‌‌و كاته‌‌ی كه سه‌‌ربازه‌‌كان له باشووری به‌‌غدا به‌‌دوای چه‌‌كی نا كانونی ده‌‌گه‌‌ران كارگه‌‌یه‌‌كی دروستكردنی بۆمبی ئۆتۆمبیل ته‌‌قاندنه‌‌وه‌‌یان دۆزیه‌‌وه. كاربه‌‌ده‌‌ستانی ئه‌‌مریكی ده‌‌ڵێن سه‌‌ربازه‌‌كان چوار ئۆتۆمبیلیان دۆزیه‌‌وه كه ئاماده‌‌كراون بۆ ته‌‌قاندنه‌‌وه‌‌و نزیكی په‌‌نجا كه‌‌سیان له شوێنی كارگه‌‌كه گرتووه.