ووڵاته یه‌كگرتووه‌كانی ئه‌مریكا نیازی هه‌یه به‌م زووانه، وه له‌وانه‌یه ئه‌م هه‌فته‌یه، گه‌مارۆی ئابووری له سه‌ر لیبیا لابدات. ڕاپۆرتی ڕۆژنامه‌كان له زاری كاربه‌ده‌ستانی نه‌زانراو سه‌رچاوه دیپلۆماته‌كانی ووڵاته یه‌كگرتووه‌كانه‌وه ڕاده‌گه‌یه‌نێ، ڕاگه‌یاندنه‌كه له‌وانه‌یه له ڕۆژی پێنج شه‌ممه‌دا بێت. ئه‌م هه‌نگاوه ڕێگا ئه‌دات به كۆمپانیاكانی ووڵاته یه‌كگرتووه‌كان له بازرگانی كردن له‌گه‌ڵ لیبیا پاش 18 ساڵ گه‌مارۆدان و له‌وانه كرینی نه‌وت. ووڵاته یه‌كگرتووه‌كانی ئه‌مریكا له ساڵی 1986 گه‌مارۆی ئابووری به‌سه‌ر لیبیادا دابوو به‌هۆی پشتیوانی تریپۆلی له تیرۆریزمی جیهانی. ڕاپۆرتی لادانی گه‌ماروه‌كه پاش چوار مانگ له ڕاگه‌یاندنی لیبیا بووه له هه‌ڵوه‌شانه‌وه‌ی به‌رنامه‌ی چه‌كه به كۆمه‌ڵ كوژه‌كانی.