ڕێڤه‌به‌رێ بلند یێ ئه‌مریكی ل عێراقێ، پۆڵ برێمه‌ر بتوندی ب ده‌ڤ هاڤێته دوو هێرشێت خوهكوژ یێت ڕۆژا ئێك شه‌مبی ل باژاڕێ هه‌ڤلێر ل باكوورا عێراقێ و سۆزدا كو كه‌سێت به‌رپرسیار بیننه به‌ر عه‌داله‌تێ.
ڕێزدار برێمه‌ر تۆره‌بوونا خوه دیاركر به‌رامبه‌ری وان هێرشان كو ل سه‌ر ئۆفیسێت دوو پارتیێت كوردی هاتنه كرن و گۆت هێرشكه‌ر بزاڤا وان ئه‌وه كو رێكێ ل پێشڤه‌چۆنا عێراقێ به‌ره‌ڤ سه‌رداری و دیموكراسییێ بگرن.
كاربدهستێت له‌شكرێ ئه‌مریكی دبێژن ب كێمی 56 كه‌س هاتنه كوشتن و 200 كه‌سێت دی بریندار بوون ده‌مێ دوو هێرشكه‌رێت خوهكوژ ل ئۆفیسێت پارتیا دیموكراتیا كوردستانێ و یه‌كێتیا نیشتیمانیا كوردستانێ خوه په‌قاندی.
سامی عه‌بدولره‌حمان كاربده‌سته‌كێ بلند یێ پارتیا دیموكراتیا كوردستانێ د ناڤ كوشتیان دابوو. چ كه‌سێ به‌رپرسیاریا وێ هێرشێ ب ستۆیێ خوه‌ڤه نه‌گرتیه، لێ هنده‌ك ژ كاربدهستێت كورد وان هێرشان دكه‌نه بناسێت كۆمه‌ڵا ئیسلامی ئه‌نسار ئه‌ل ئیسلام كو وه باوه‌ر تێته كرن په‌یوه‌ندی ب كۆمه‌ڵا ئه‌ل قاعیده‌ڤه هه‌بت.