Accessibility links

تێڕوانینی جیاجیا له‌سه‌ر هه‌ڵـبژاردنی پارێزگاکانی عێراق


سـبه‌ینێ 31 ی یه‌ک هه‌ڵـبژاردنه‌کانی ئه‌نجومه‌نی پارێزگاکانی عێراق له‌ 14 پارێزگای وڵاته‌که‌ به‌ڕێوه‌ده‌چێت. ئه‌رکی ئه‌م ئه‌نجومه‌نانه‌ دابینکردنی خزمه‌تگوزاریـیه‌کانه‌ له‌ پارێزگاکاندا. هه‌ڵـبژاردن له‌ هه‌رسێ پارێزگای هه‌ولێر و سـلێمانی و دهۆکدا ناکرێن که‌ له‌ ژێر به‌ڕێوه‌به‌رایه‌تی حکومه‌تی هه‌رێمی کوردسـتاندان و هه‌ره‌هاش له‌ پارێزگای که‌رکوک دواخراوه‌ بۆ واده‌یه‌کی نادیار به‌هۆی ئه‌و ناکۆکیـیانه‌ی له‌سه‌ر ڕوانیـنه‌کان به‌رامبه‌ر به‌ ئاینده‌ی ئه‌م شـاره‌ فره‌ نه‌ژاد و فره‌ ئاین و فره‌ ئاینزایه‌ هه‌یه‌.

به‌هۆی وه‌ک چاودێران ده‌ڵێن ئه‌و په‌ره‌سـه‌ندنه‌ ئاسـایشـیـیانه‌ی له‌ عێراقدا له‌م چه‌ند سـاڵه‌ی ڕابردوودا هاتوونه‌ته‌ کایه‌ ده‌شـێت هه‌ڵـبژارنه‌کان له‌ بارێـکی سه‌قامگیری ئاسـایشـیدا به‌ڕێوه‌بچن، به‌ڵام ژه‌نه‌ڕاڵ عه‌بدولکه‌ریم خه‌ڵه‌ف ده‌مڕاسـتی وه‌زاره‌تی ناوخۆی عێراق له‌ لێـدوانێـکی ڕۆژنامه‌وانیدا ئاماژه‌ی به‌ هه‌بوونی زانیاری کردووه‌ که‌ تۆڕی تێرۆرکاری ئه‌لقاعیده‌ پـلانی تێـکدانی ڕه‌وشی هه‌ڵـبژاردنه‌کانی هه‌یه‌.

سـاڵی 2005 هه‌ڵـبژاردنێـکی تری ئه‌نجومه‌نه‌کانی پارێزگاکان له‌ عێراق کرا، وه‌لێ ئه‌وکات زۆرینه‌ی لایه‌نه‌کانی عه‌ره‌بی سـوننه‌ له‌ عێراقدا به‌شـداریـیان نه‌کرد به‌ پـێچه‌وانه‌ی لایه‌نه‌کانی شـیعه‌ئاینزاکانه‌وه‌ که‌ زۆربه‌یان به‌شـداریـیان کرد و ئه‌مه‌ش فاکته‌ری سه‌ره‌کی بوو که‌ شـیعه‌کان به‌ گشـتی له‌ زۆرینه‌ی پارێزگاکانی عێراقدا زۆربه‌ی کورسـیـیه‌کانی ئه‌نجومه‌نه‌کانی پارێزگاکانیان به‌ده‌ست بهێنن، به‌ڵام بۆ ئه‌م هه‌ڵبژاردنه‌ی سبه‌ی شه‌ممه‌ زۆربه‌ی لایه‌نه‌کانی عه‌ره‌بی سوننه‌ به‌شـداری ده‌که‌ن، ته‌نها هه‌ندێـک لایه‌ن نه‌بن که‌ دژی پـرۆسه‌ی سـیاسی عێراقین و خۆیان له‌ خانه‌ی یاخیبوواندا ده‌بینـنه‌وه‌، وه‌لێ هاوکات زۆرێـک له‌ شـیکه‌ره‌وه‌ سـیاسیـیه‌کانی عێراقی پـێـیان‌وایه‌ ئه‌گه‌ربێت و ئه‌م هه‌ڵـبژاردنه‌ ڕه‌وایی پـێ‌بڕێت و بێ گێرمه‌وکێشه‌ کۆتایی پێ‌بێت ده‌شـێت گۆڕان به‌سه‌ر دیدوبۆچوونی ئه‌و لایه‌نانه‌شـدا بهێنێت.

ده‌توانن گوێبیسـتی ده‌قی به‌رنامه‌که‌‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ، ماوه‌كه‌ی 15:26 خوله‌كه‌.

بابه‌تی په‌یوه‌ندیدار

XS
SM
MD
LG