بانکه‌ ناوه‌ندیـیه‌کانی جیهان ڕێژه‌ی قازانج که‌م‌ده‌که‌نه‌وه‌

به‌رپـرسـانی ئابووری له‌ زۆربه‌ی وڵاتانی جیهاندا سه‌رقاڵی که‌مکردنه‌وه‌ی ڕێژه‌ی قازانجی سه‌ر قه‌رزن له‌ هه‌وڵێـکدا بۆ بوژاندنه‌وه‌ی ئابووری جیهاندا.

وا چاوه‌ڕوان ده‌کرێت بانکی ناوه‌ندی ئه‌مه‌ریکا به‌ ڕێژه‌ی 0.5% قازانجه‌که‌ی که‌م‌بکاته‌وه‌ له‌ کاتێـکدا بانکی ناوه‌ندی چین ڕێژه‌که‌ی که‌م‌کردۆته‌وه‌ و بڕیاره‌ بانکی ناوه‌ندی ئه‌وروپاش له‌ هه‌فته‌ی داهاتوودا هه‌مان هه‌ڵـوێست وه‌ربگرێت.

هاوکات سه‌هم و سه‌نه‌ده‌کانی بازاڕه‌کانی ئه‌وروپا به‌ شـێوه‌یه‌کی جۆراوجۆر کرانه‌وه‌ سه‌رله‌به‌یانی ڕۆژی چوارشه‌ممه‌دا دوابه‌دوای ده‌سـتکه‌وتی بازاڕه‌کانی تۆکیۆ و هۆنگ کۆنگ. بازاڕه‌کانی له‌نده‌ن و پاریس به‌ڕێژه‌ی 5% و 6% قازانجیان کرد له‌ کاتێـکدا به‌های سه‌هم و سه‌نه‌ده‌کانی فرانکفۆرت به‌ ڕێژه‌ی 2% نزم‌بۆوه‌.

سه‌هم و سه‌نه‌ده‌کانی نیکی له‌ تۆکیۆ به‌ قازانجی 7.75دره‌نگانێـکی ڕۆژی چوارشه‌ممه‌ داخران دوای هه‌وڵه‌کانی که‌وا بانکی ناوه‌ندی ژاپـۆن ڕێژه‌ی قازانجی سه‌ر قه‌رزی که‌م‌کرده‌وه‌. هه‌روه‌ها سه‌نه‌دکانی هانگ سینگ له‌ هۆنگ کۆنگ به‌ 1% به‌هاکه‌ی به‌رزبۆوه‌.