كۆنده‌لیزا ڕایسی وه‌زیری ده‌ره‌وه‌ی ئه‌مریكا داوای له ئیسرائیل كردووه فراوانكردنی
ئۆردوگای جوله‌كه نشینه‌كان ڕاگرێت، ئه‌مه‌ش دوای ئه‌و ڕاگه‌یاندنه‌ی ئیسرائیل كه به نیازه به لایه‌نی كه‌م 600 خانووبه‌ره‌ی نوێ له ناوچه‌ی كه‌ناری ڕۆژئاوای مشـتومڕ له‌سه‌ر بنیادبنێت.
هه‌روه‌ها خانم ڕایس ده‌شڵێت دانوسـتاندنی نێوان به‌رپـرسـانی ئیسرائیل و فه‌له‌ستینیـیه‌كان هه‌نگاوێـكه به ئاقارێـكی ڕاسـتدا. هاوكات ڕه‌خنه‌ی له ئیسـرائیل گرت بۆ فراوانكردنی ده‌سه‌ڵاتی خۆی و ئه‌و هه‌نگاوه‌ی به پـێشـێـلكردنی پلانی ئاشـتی نه‌خشه‌ی ڕێـگا ناوزه‌دكرد.
خاتوو ڕایس له عه‌مـمان بۆ وتووێـژكردن له‌گه‌ڵ سه‌رۆكی فه‌له‌سـتینیـیه‌كان مه‌حمود عه‌باس. ئه‌م كۆبوونه‌وه‌یه‌ش له دوا شوێنی گه‌شـته سێ ڕۆژیـیه‌كه‌ی بۆ هه‌رێمه‌كه‌یه كه له‌وێ له‌گه‌ڵ كاربه‌ده‌سـتانی ئیسـرائیلی و فه‌له‌ستینیـدا كۆبۆوه له دوا هه‌وڵی خۆیدا بۆ پـێشـخسـتنی پـرۆسه‌ی ئاشتی.
كۆنده‌لیزا ڕایس ڕێـككه‌وتنێـكی ئیسرائیلی بۆ هێوركردنه‌وه‌ی بڕیارێـك له‌سه‌ر به‌ربه‌سـته‌كانی سه‌ر فه‌له‌سـتینیـیه‌كان له كه‌ناری ڕۆژئاوای داگیركراوی مسـۆگه‌ركرد.
له‌و باره‌یه‌وه ئیسـرائیل هه‌ڵـگرتنی 50 به‌ربه‌سـتی سه‌ر جاده و هه‌روه‌ها یه‌ك بازگه‌ی پـشكنینی ڕاگه‌یاند، ئه‌و به‌ربه‌سـتانه‌ی كه هاتووچۆی فه‌له‌سـتینیـیه‌كان له نێوان شـاره سه‌ره‌كیـیه‌كانی كه‌ناری ڕۆژئاوا سـنووردار ده‌كات.
هاوكات كاربه‌ده‌سـتانی فه‌له‌ستینی به‌ڵێنی چاكـكردنی ڕه‌وشی ئاسایشیـیان له ناوچه‌ی جنین دا هه‌رچه‌نده ده‌رئه‌نجام ئیسرائیل به‌رپـرسـیاری ته‌واوی ناوچه‌كه ده‌بێت.