Accessibility links

سـێناتۆره‌ كۆماریـیه‌كان ڕێـگه‌ له‌ مشـتومڕێـكی تایبه‌ت به‌ شه‌ڕی عێراق ده‌گرن


كۆماریـیه‌كانی ناو ئه‌نجومه‌نی سـێناتی وڵاته‌ یه‌كگرتووه‌كانی ئه‌مریكا ڕێـگه‌یان له‌ ده‌سـتپـێـكردنی مشـتومڕێـك گرت‌ كه‌ بۆ مه‌به‌سـتی ده‌ركردنی بڕیارێـك بوو كه‌ تیایدا پلانه‌كه‌ی سه‌رۆك بوش بۆ ناردنی هێزی زیاتر بۆ عێراق ڕه‌تبكه‌نه‌وه‌.

56 ده‌نگ له‌ به‌رامبه‌ر 34 ده‌نگ پشـتیوانیان له‌ ده‌سـتپـێـكردنی ئه‌م مشـتومڕه‌ كرد، به‌ڵام به‌پـێی یاسای ئه‌نجومه‌نی سـێنات بۆ په‌سه‌ندكردنی هه‌ر كار و بڕیارێـك پـێویسته‌ به‌ لایه‌نی كه‌م 60 سـێناتۆر پشـتیوانی لێ بكات، بۆیه‌ به‌هۆی كه‌می 4 ده‌نگ ڕێـگه‌ له‌ به‌رده‌م سـازدانی ئه‌م مشتومڕه‌ گیرا.

ڕێبه‌ری زۆرینه‌ له‌ ئه‌نجومه‌نی سـێنات هاری ڕید كه‌ سـێناتۆری ویلایه‌تی نیڤاداشه‌ و سه‌ر به‌ دیموكراته‌كانه‌ گوتی هه‌رچه‌نده‌ داواكه‌ په‌سه‌ند نه‌كرا، به‌ڵام ئه‌م ده‌نگدانه‌ نیشـانی ده‌دات كه‌ زۆربه‌ی ئه‌ندامانی ئه‌نجومه‌نی سـێنات له‌ دژی پلانه‌ هه‌ڵه‌كه‌ی سه‌رۆك بوشن.‌

XS
SM
MD
LG