پـێش به‌ره‌به‌یانی ڕۆژی یه‌كشه‌ممه دیكتاتۆری پـێشـووی عێراق سه‌دام حسێن له
گونده‌كه‌ی خۆی عۆجه‌ی نزیك شـاری تكریت له باكوری عێراق نێـژرا.
كاربه‌ده‌سـتانی خۆجێـیی ده‌ڵـێن ته‌ر‌مه‌كه‌ی سه‌دام له جێـگایه‌كی ئاینی نێژراوه و له هه‌مان ئه‌و گۆڕسـتانه‌ی كه گۆڕی هه‌ردوو كوڕه‌كه‌ی عوده‌ی و قوسه‌ی لێـیه، ئه‌وانه‌ی كه له مانگی حه‌وتی 2003 دا به ده‌سـتی هێزه‌كانی ئه‌مریكا له شـاری موسڵ كوژران.
ڕێوڕه‌سـمی ناشـتنه‌كه‌ی به‌پـێـی شه‌ریعه‌تی ئیسلامه‌وه به‌ڕێوه چووه.
دوای له سـێداره‌دانی سه‌دام پـۆلیسی عێراقی بۆ ماوه‌ی چوار ڕۆژ بڕیاری داوه گه‌مارۆی شـاری تكریت بده‌ن، وه كه‌س بۆی نیـیه بچێته ناو شـاره‌كه و یان لێی ده‌ربچێت.
له لایه‌كی دیكه‌وه ڤیدیۆیه‌كی نوێ بڵاوكراوه‌ته‌وه كه تیایدا نیشـانی ده‌دات ئه‌و كه‌سـانه‌ی سه‌دام له سـێداره ده‌ده‌ن هوتاف به ناوی موقته‌دا ئه‌لسه‌در و محه‌مه‌د باقر ئه‌لسه‌دری باوكی ده‌كێشن، وه هه‌روه‌ها ئه‌وه‌ش نیشـان ده‌دات كه سه‌دام شـایه‌تمان ده‌هێنێت.
له‌سه‌ر ئیعدامكردنه‌كه‌ی سه‌دام كاردانه‌وه‌ی جیاجیا له‌نێو پـێـكهاته‌كانی عێراقدا هه‌یه، زۆربه‌ی شـیعه‌كان ئاهه‌نگیان به‌و بۆنه‌یه‌وه گێڕاوه، به‌ڵام سونه‌كانی سه‌ر به سه‌دام ماته‌مینی و توڕه‌یی خۆیان ده‌ربڕی.