كاربه‌ده‌ستانی ئه‌فغانی ده‌لێن به‌لایه‌نی كه‌مه‌وه شه‌ست گومانلێكراوی تالیبان، حه‌فت سه‌ربازی ئه‌فغانی‌و پێنج پۆلیسی ئه‌فغانی له شه‌ڕو لێكدانێكی نزیك سنووری پاكستان كوژراون. كاربه‌ده‌ستان ده‌لێن هه‌روه‌ها پێنج سه‌ربازی ئه‌مریكی و دوو ئه‌فسه‌ری پۆلیسی ئه‌فغانی له شه‌ڕو لێكدانی دره‌نگانی رۆژی سێشه‌ممه كه له باشووری هه‌رێمی قه‌نده‌هار روویدا بریندار بوون. هه‌روه‌ها سی خراپكاری تالیبانی تریش ده‌ستگیر كران.