Accessibility links

بەیاننامەیەکی نێودەوڵەتی: تاڵیبان ڕازی دەبێت ڕێگە بە ئەفغانیەکان و هاوڵاتیانی بیانی بدات ئەفغانستان جێبهێڵن


چەکدارانی تاڵیبان لە دەوروبەری فڕۆکەخانەی کابوڵ، ئەفغانستان
چەکدارانی تاڵیبان لە دەوروبەری فڕۆکەخانەی کابوڵ، ئەفغانستان

لە بەیاننامەیەکی نێودەوڵەتیدا کە هەریەک لە بەڕیتانیا و ئەمەریکا و وڵاتانی دیکەی جیهان بڵاوییان کردۆتەوە هاتووە دەڵێت تاڵیبان ڕێگە بە هاوڵاتیانی بیانی و ئەو ئەفغانیانە دەدات کە لەلایەن وڵاتێکی دیکەوە مۆڵەتی گەشتکردنیان پێدراوە، ئەفغانستان جێبهێڵن.

لە بەیاننامەکەدا وتیان " دڵنیاییمان لە تاڵیبانەوە وەرگرتووە لەسەر ئەوەی سەرجەم هاوڵاتیانی بیانی و هەر هاوڵاتیەکی ئەفغانی کە مۆڵەتی گەشتکردنی لەلایەن وڵاتێکی دیکەوە هەیە دەتوانن بەشێوەیەکی ڕێکخراو و پارێزراو بەرەو خاڵەکانی چوونە دەرەوە بڕۆن و بۆ دەرەوەی وڵات گەشت بکەن."

لە بەیاننامەکەدا ئاماژە بەوە دراوە هەریەک لە فەڕەنسا و ئوستراڵیا و ژاپۆن و ئیسپانیا و کۆمەڵێک وڵاتی دیکە مۆڵەتی گەشتکردن بۆ ئەفغانیەکان دەردەکەن.

ئەو وڵاتانەی لە بەیاننامەکەدا بەشدارن 100 وڵات دەبن و هەریەک لە فەڕەنسا و بەڕیتانیا و ئەمەریکاشیان تێدایە. بەیاننامەکە لەلایەن هاوپەیمانێتی ناتۆ و یەکێتی ئەوروپاشەوە واژۆ کراوە.

لە بەیاننامەکەدا ئاماژە بەوە دراوە " ئێمە هەموومان پابەندین بەوەوە کە سەرجەم هاوڵاتیانمان و دانیشتوان و کارمەندان و ئەو ئەفغانیانەی کە لەگەڵ ئێمەدا کارییان کردووە و لەمەترسیدان دەتوانن ئازادانە بەردەوام بن لە گەشتکردن بۆ شوێنەکانی دەرەوەی ئەفغانستان."

وتیشیان " پێشبینی پابەندبوونی تاڵیبان دەکەین لەوەدا کە خەڵکەکە بتوانن گەشت بۆ وڵاتەکانی ئێمە بکەن."

بەڵام چین و ڕوسیا بەیاننامەکەیان واژۆ نەکردووە.

ڕاوێژکاری ئاسایشی نیشتیمانی ئەمەریکا جەیک سولیڤان وتی هەر ئەمەریکیەک کە ماوەتەوە " لە ئەفغانستان گیر ناخوات."

وتی " ئەمەریکا میکانیزمێکی هەیە بۆ هێنانە دەرەوەیان " ئەگەر بیانەوێت لە داهاتوودا ئەفغانستان جێبهێڵن.

سەرچاوە/ ڕۆیتەرز، فرانس پرێس

XS
SM
MD
LG