سوپای ئیسرائیل و دەزگای ئاسایشی ناوخۆی وڵات، شین بێت ڕایانگەیاند لە دوو هێرشی جیادا لە کەرتی غەززە، محەمەد حەلاوە، فەرماندەی بەشی هەواڵگری سەربازی باڵی سەربازی حەماس و ئەحمەد زوهێر فوئاد ئەبو عودە، فەرماندەی باڵی دیکەی ئەو گرووپەیان کوشتووە.
بەگوێرەی ڕاپۆرتی سوپای ئیسرائیل، حەلاوە ڕۆژی شەممە لە هێرشێکدا لە ناوچەی شاری غەززە و ئەبو عودە لە هێرشێکی ڕۆژی پێنجشەممەدا کراونەتە ئامانج.
سوپای ئیسرائیل ئاماژەی بەوەشکردووە ئەو دوو فەرماندەیە ڕۆڵیان هەبووە لە پلاندانان بۆ هێرشکردنە سەر هێزەکانی ئیسرائیل و هاووڵاتیانی ئەو وڵاتە لە کاتی شەڕدا و بەتایبەتی لەم ماوەیەی دواییدا هەوڵیان داوە بۆ ئاوەدانکردنەوەی توانا سەربازییەکانی حەماس.
ئاژانسەکە هەروەها ڕایگەیاندووە کە بزووتنەوەی حەماس بەردەوام ئاگربەستی پێشێل کردووە و هێزەکانی ئیسرائیل بەردەوام دەبن لە چالاکییەکانیان بۆ نەهێشتنی هەڕەشەکان لە ناوچەکەدا.