سوپای کوەیت ڕۆژی شەممە ڕایگەیاند کە ژمارەیەک فڕۆکەی بێفڕۆکەوانی ئێرانی لە ئاسمانی وڵاتەکەیدا خستووەتە خوارەوە.
سوپاکە لە بەیاننامەیەکدا ڕایگەیاند، ئەو فڕۆکە بێفڕۆکەوانانە بەشێک بوون لە هێرشی ئێران بۆ سەر چەند ئامانجێکی گرنگ لە کوەێت.
بەگوێرەی ڕاگەیەندراوەکە، هێرشەکەی ئێران ناوەندێکی حکومی لە باکووری کوەیت و باڵەخانەیەکی مەدەنی لە دوورگەی بوبیان کردووەتە ئامانج.
هێرشەکە زیانی ماددی لێکەوتووەتەوە بەڵام هیچ زیانێکی گیانی نەبووە، بە گوێرەی سوپای کوەیت.
هێزی بەرگری ئاسمانیی کوەیت لە چەند ڕۆژی ڕابردوودا ڕۆژانە بەرپەرچدانەوەی هێرشە مووشەکی و فڕۆکەی بێفڕۆکەوانەکانی ئێرانی ڕاگەیاندووە.