لەندەن ڕایگەیاند کە سیستەمی بەرگری ئاسمانی ڕاپید سێنتری بۆ کوەیت دەنێرێت بۆ یارمەتیدانی پاراستنی بەرژەوەندییەکانی بەریتانیا و کوەیت لە کەنداوی فارس.
وتەبێژی نووسینگەی سەرۆک وەزیرانی بەریتانیا ڕایگەیاند، کەیر ستارمەر سەرلەبەیانی ڕۆژی هەینی لە پەیوەندییەکدا لەگەڵ میشال ئەحمەد ئەلسەباح شازادەی جێنشینی کوەیت باسی جێگیرکردنی ئەو سیستەمەی کردووە.
ئەم هەنگاوە دوای هێرشی فڕۆکەی بێفڕۆکەوانی کۆماری ئیسلامی بۆ سەر دامەزراوەیەکی نەوتی کوەیت دێت.
وتەبێژی نووسینگەی سەرۆک وەزیرانی بەریتانیا ڕایشیگەیاند "سەرۆک وەزیرانی بەریتانیا سەرەتا هێرشەکەی شەوی ڕابردووی فڕۆکەی بێفڕۆکەوانی بۆ سەر پاڵاوگەیەکی نەوتی کوەیتی ئیدانە کرد و دووپاتی کردەوە کە بەریتانیا لەگەڵ کویەت و هەموو هاوپەیمانەکانمان لە کەنداو وەستاوە."
کۆماری ئیسلامی لە سەرەتای هەڵمەتی سەربازی ئەمەریکا و ئیسرائیلەوە چەندین جار وڵاتانی عەرەبی ناوچەکەی کردووەتە ئامانج.