سوپای ئیسرائیل ڕایگەیاند حاج یوسف ئیسماعیل هاشم"، فەرماندەی باڵای میحوەری باشووری حزبوڵا، لە ئۆپەراسیۆنێکدا لە بەیروت کوژراوە.
بەگوێرەی ڕاگەیەندراوێکی سوپای ئیسرائیل لە تۆڕی ئێکس، ئۆپەراسیۆنەکە لەلایەن هێزی دەریایی ئیسرائیلەوە ئەنجامدراوە و هاشم کە زیاتر لە 40 ساڵ چالاک بووە، بە کەسایەتییەکی سەرەکی حزبوڵا هەژمار دەکرێت.
ئیسرائیل دەڵێت ناوبراو ڕۆڵێکی گرنگی هەبووە لە بنیاتنانەوەی پێکهاتەی حزبوڵای لوبنان و سەرکردایەتی هێرشەکانی دژی ئیسرائیلی کردووە.
هاشم باڵاترین فەرماندەی حزبوڵای لوبنانە کە لەوەتای دەستپێکردنی شەڕی ئیسرائیل و ئەمەریکا دژی ئێران لە لایەن ئیسرائیلەوە کوژراوە.