لە جامی جیهانی تۆپی پێی ژنانی 2023دا تیمەکان بەردەوامن لە یارییەکانیان لە ئاستی گروپەکاندا.
ڕۆژی یەکشممە سێ یاری بڕێوە چوو لە گروپی G یاری لە نێوان سوید و ئافریکای باشوور بەڕێوە چوو کە لە ئەنجامدا بە دوو گۆڵ بەرامبەر بە یەک سوید توانی یارییەکە بباتەوە.
لە گروپی F یاری نێوان فەرەنسا و جەمەیکا بەڕێوە چوو و لە ئەنجامدا یارییەکە بەبێ گۆڵ کۆتایی پێهات و هاوسەنگ بوو.
هەروەها لە گروپی E دوو وڵاتی ئەوروپا ڕووبەڕووی یەک بوونەوە. لە یارییەکەی نێوان هۆڵەندا و پورتوگالدا هۆڵەندا توانی بە گۆڵێک بەرامبەر بە هیچ سەربکەوێت.
ڕۆژی دووشەممە چوار یاری بەڕێوە دەچێت و یارییەکان بەم شێوەیە دەبن.
لە گروپی G ئیتاڵیا و ئەرژانتین ڕووبەڕووی یەک دەبنەوە. لە گروپی F بەرازیل و پاناما، لە گروپی H ئەڵمانیا و مەغرب لەلایەک و کۆڵۆمبیا و کۆریای باشووریش لەلایەکی ترەوە ڕووبەڕووی یەک دەبنەوە.