سەرکردەیەکی دیاری کورد لە ژووری زیندانەکەیەوە خاڵێکی نوێی بۆ گرژییەکانی بانگەشەی هەڵبژاردنی تورکیا زیاد کردووە، ئەمەش ئەوە پیشان دەدات کە شکستی سەرۆک کۆماری تورکیا ڕەجەب تەیب ئەردۆغان دەتوانێت دەرگای چارەسەرکردنی خەباتی دەیان ساڵەی میللەت لە دژی گرووپێکی چەکداری کورد بکاتەوە.
سەلاحەدین دەمیرتاش، هاوسەرۆکی پێشووی پارتی دیموکراتی گەلان (هەدەپە)ی لایەنگری کورد لە تورکیا، بەڵێن دەدات کە پێگەی خۆی بەکاربهێنێت بۆ ئەوەی پارتی کرێکارانی کوردستان (پەکەکە) دەستبەرداری بەرخۆدانی چەکداریی خۆیان بن لە بەرامبەر دەسەڵاتی تورکیا، ئەگەر ئیدارەیەکی نوێ دروست بێت دوای هەڵبژاردنی پەرلەمان و سەرۆکایەتی لە 14ی ئایار لە ئەنقەرە دەستبەکار دەبێت.
سەڵاحەدین دەمیرتاش لە تویتێکدا کە هەفتەی ڕابردوو لە ڕێگەی پارێزەرەکانییەوە بڵاویکردووەتەوە، ڕایگەیاندووە، “وەک بەڵێنێک بە گەلەکەمان، هەموو هەوڵێک دەدەین بۆ ئەوەی لە دوای ڕژێمی ئەردۆغان کە خۆراکی ململانێکان دەدات، پەکەکە چەک لە تورکیا دادەنێت”.
سەڵاحەدین دەمیرتاش لە ساڵی 2016ەوە بە تۆمەتی تیرۆر لە زیندانی ئەدیرنە دەستبەسەرە. هەفتەی ڕابردوو، داواکاری گشتی تورکیا داوای سزای هەتاهەتایی بۆ کرد، لە دۆسیەیەکی پەیوەندیدار بە خۆپیشاندانەکانی کۆبانی لە ساڵی 2014 لە باشووری ڕۆژهەڵاتی تورکیا کە کوردنشینە.
سەڵاحەدین دەمیرتاش لە تویتەکانیدا ڕایگەیاندووە، چارەسەری ئاشتیانەی ململانێی نێوان پەکەکە و تورکیا لە “پەرلەمانی تورکیا لە چوارچێوەی یاسادا” دێت و ئاماژەی بەوەشکرد، دەکرا پێشتر ئەمە بکرایە.
دەمیرتاش بە ئاماژەدان بە دۆسیەکانی دژی هەدەپە وتی“هەرچەندە ئەردۆغان ئەوانەی ئاشتییان دەویست زیندانی کرد و خستیانە زیندانەکان و هەوڵی داخستنی پارتەکانیان دا و ئەمینداری بۆ شارەوانییەکانیان دانا و هەوڵیدا خەڵک بترسێنێت بۆ ئەوەی لە ڕێگەی گوتاری تیرۆرەوە دەنگ بەدەستبهێنێت بە سووتەمەنیکردنی ململانێکان بە ئازراندن”.
ئەردۆغان هەدەپە کە سێیەم گەورەترین پارتییە لە پەرلەمانی تورکیا تۆمەتبار دەکات بەوەی کە پەیوەندی بە پەکەکەوە هەیە کە لە لایەن ئەمریکا و یەکێتی ئەوروپا و تورکیاوە وەک ڕێکخراوێکی تیرۆریستی دەستنیشان کراوە. هەدەپە ڕەتیدەکاتەوە هیچ پەیوەندییەکی بە تیرۆرەوە هەبێت.
دەمیرتاش لە چاوپێکەوتنێکی نووسراودا لەگەڵ بەشی تورکی دەنگی ئەمەریکا لە ژووری زیندانەکەیەوە دانی بە سنووری کاریگەرییەکانی خۆیدا ناوە بەسەر ئەو گرووپەدا.
ناوبراو نووسیویەتی: مەسەلەکە ئەوە نییە کە ئایا [پەکەکە] گوێم لێدەگرێت یان نا، ئەگەر پەیوەندییەک بکەم، ئەوان گرنگی نادەن، دیارە. بەڵام ئەگەر هەندێک هەنگاو بۆ چارەسەری ئەگەری لە پەرلەمان لە چوارچێوەیەکی کراو و شەفاف و یاسایی بگیرێتەبەر، بێگومان دەبێت بکەرەکان ئەمە لەبەرچاو بگرن”.
سەڵاحەدین دەمیرتاش لە پەیامەکانیدا کە لەلایەن پارێزەرەکانییەوە گواستراوەتەوە بە دەنگی ئەمریکای ڕاگەیاندووە، پێشنیاری ئەوە دەکات کار لەسەر دروستکردنی بنەمای سیاسی و یاسایی و کۆمەڵایەتی چارەسەری ئەو ململانێیە درێژخایەنە بکرێت.
نووسیویەتی: "وە بێگومان ئەم کارە دەکەین، ژینگەیەکی گونجاو دروست دەکەین و ئەو پرۆسەیە دروست دەکەین کە چەکەکانی تێدا دادەنرێت". دەمەوێت جەخت لەوە بکەمەوە کە ئەمە کارێکی قورس و مەحاڵ نییە”.
سەرچاوە/ دەنگی ئەمەریکا