کرێملین ڕۆژی هەینی ڕایگەیاند کە هەموو ڕۆژنامەنووسانی باوەڕپێکراوی بیانی دەتوانن بەردەوام بن لە کارکردن لە ڕووسیا، ئەمەش ڕۆژێک دوای ئەوەی پەیامنێرێکی وۆڵ ستریت جۆرناڵ بە تۆمەتی سیخوڕی کە لەلایەن دەزگای ئەمنی ئێف ئێس بیەوە خراوەتە پاڵ، دەستبەسەرکرا.
کرێملین ئاماژەی بەوەشکردووە، ئیڤان گێرشکۆڤیچ "لەژێر بەرگی" ڕۆژنامەگەریدا سیخوڕی ئەنجامداوە. ڕووسیا هیچ بەڵگەیەکی بڵاونەکردووەتەوە کە پشتگیری لەو تۆمەتانە بکات، کە یەکەم دۆسیەی لەو جۆرەیە لە دژی پەیامنێرێکی ئەمەریکی لە دوای کۆتایی هاتنی جەنگی ساردەوە ، کە لەلایەن WSJ ڕەتکراوەتەوە.
دیمیتری پێسکۆڤ، وتەبێژی کرێملین ڕۆژی هەینی بە ڕۆژنامەنووسانی ڕاگەیاند: "هەموو ئەو ڕۆژنامەنووسانەی لێرە باوەڕپێکراوی ڕەوایان هەیە - مەبەستم ڕۆژنامەنووسانی بیانییە - دەکرێت و دەتوانن بەردەوام بن لە چالاکییە ڕۆژنامەوانییەکانیان لە وڵاتدا. ئەوان ڕووبەڕووی هیچ سنووردارکردنێک نابنەوە و بە باشی کاردەکەن".
گێرشکۆڤیچ کە پەیامنێرێکی باوەڕپێکراوە، لە شاری یەکاتێرینبۆرگ دەستگیرکرا بە تۆمەتێک کە لەلایەن ئیدارەی ئەمەریکا و ئەوانەی بە تۆمەتێکی ساختە ناویان برد ئیدانەیان کرد. دادگای مۆسکۆ بڕیاریدا کە لانیکەم تا 29ی ئایار لە دەستبەسەری پێش دادگاییکردنەکەدا ڕابگیرێت.
ئەم دۆسیەیە - کە جددیترین کردەوەیە لە دژی پەیامنێرێکی ڕۆژئاوایی لە ڕووسیا بۆ دەیان ساڵە - هەڕەشەی زیاتر خراپترکردنی پەیوەندییەکانی نێوان ئەمەریکا و ڕووسیای لە دەکات.
گروپەکانی مافی مەدەنی ڕەخنەیان لێ گرت و بە دوایین پەرەسەندنی هەڵمەتی ڕووسیا بۆ دەمکوتکردنی هەموو ڕۆژنامەگەری سەربەخۆ، کە لەگەڵ توندبوونەوەی یاساکانی سانسۆردا چڕتر بووەتەوە لەو کاتەوەی ڕووسیا هێزە چەکدارەکانی ڕەوانەی ئۆکرانیا کردووە.
لە کاتێکدا ژمارەیەک ڕۆژنامەنووسی ڕووسی لە ماوەی دوو دەیەی دوای هاتنە سەرکاری پوتین زیندانی کراون، بەڵام ئەو پەیامنێرە بیانیانەی کە بەر خراپیی کردەوەی دەسەڵاتداران کەوتوون، بە گشتی دەرکراون.
پێسکۆڤ ڕۆژی هەینی دووپاتیکردەوە کە گێرشکۆڤیچ "بە دەستی سوور گیراوە"، بەڵام ئامادەنەبوو وردەکارییەکانی دۆسیەکە وردتر بخاتەڕوو، کە تەنانەت لە تیمی یاسایی پەیامنێرەکەش بە نهێنی هێڵراوەتەوە.
هەروەها داوای لە واشنتۆن کرد وەڵام نەداتەوە بە دەرکردنی ڕۆژنامەنووسانی ڕووسی کە لە ئەمەریکا کاردەکەن.
سەرچاوە/ ڕۆیتەرز