ماجد لەجماوی باڵیۆزی عێراق لە تورکیا دەڵێت سەردانەکەی محمەد شیاع سودانی سەرۆک وەزیرانی عێراق بۆ ئانکەرە ڕێگەی بۆ ڕێککەوتنی ستراتیژی نێوان عێراق و تورکیا خۆش کرد.
لەڕاگەیاندنێکیدا دەڵێت سەردانەی لە هەفتەی ڕابردوو ئەنجام درا "ڕێگەی خۆشكرد بۆ ڕێككەوتنی ستراتیژی نێوان هەردوو وڵات كە هەوڵەكانی هەردوو وڵات تەرخان دەكات بۆ بەهێزكردنی هاوكارییە دووقۆڵییەكان و پێشخستنی پەیوەندییەكان بۆ ئاسۆیەكی فراوانتر بە مەبەستی جێبەجێكردنی خواستەكانی دوو گەلی دۆست."
هەروها دەشڵێت "سەردانەكەی سودانی بۆ توركیا تیشكی خستە سەر ڕووبەڕووبوونەوەی ئاستەنگەكان لەوانە: دۆسیەی ئاو و دۆسیەی ئەمنی."
ئاژانسی دەنگوباسی فەرمی عێراق دەڵێت توركیا و عێراق ڕێککەوتوون لەسەر کاراکردنی ڕێگەی شەمەندەفەر،کە عێڕاق بە تورکاوە دەبەستێتەوە و رێگه‌کەش لە بەسرە تا سنوری تورکیا دەڕوات هەروەها یارمەتیدەردەبیت بۆ بوژادنەوەی بازرگانی نێوان هەردو وڵات، لەگەڵ زیادکردنی قەبارەی ئاڵوگۆڕی بازرگانی.