کۆریای باکوور: ئەمەریکا هۆکاری سەرنەکەوتنی کۆنترۆڵی چەکی نێودەوڵەتییە

^{کۆریای باکوور ڕۆژی شەممە ئەمەریکای بە هۆکاری ئەوەی کە بە وتەی خۆی داڕمانی سیستمە نێودەوڵەتییەکانی کۆنترۆڵکردنی چەک ، تاوانبار کرد و ڕایگەیاند کە چەکی ئەتۆمی پیۆنگ یانگ وەڵامێکی دادپەروەرانەیە بۆ دەستەبەرکردنی هاوسەنگی هێز لە ناوچەکەدا.}

^{وەزارەتی دەرەوەی کۆریا لە شرۆڤەیەکدا کە ئاژانسی هەواڵی دەوڵەتی KCNA هەڵیگرتووە، ڕایگەیاندووە، "نیمچە دوورگەی کۆریا بەهۆی پلانی فراوانکردنی سەربازییەوە بە سەرۆکایەتی ئەمەریکا و شوێنکەوتووانی، دەگۆڕێت بۆ گەورەترین مەیدانی شەڕ و مەشقکردنی جەنگ لە جیهاندا".}

^{ئاماژەی بەوەشکردووە، هەنگاوەکانی ئەم دواییەی کۆریای باشوور و ژاپۆن دەریخستووە کە بنیاتنانی سەربازی لەلایەن ئەمەریکا و شوێنکەوتووانیەوە هێڵی مەترسی دەبڕێت و ئەمەش تەحەمول ناکرێ.}

^{ئەم لێدوانانە دوای ئەوە دێت کە ئەمەریکا و کۆریای باشوور ڕۆژی هەینی ڕایانگەیاند کە پلانیان هەیە لە ١٣-٢٣ی ئازاردا مانۆڕی سەربازی بەرفراوان ئەنجام بدەن بۆ بەهێزکردنی هەڵوێستی بەرگریی هاوبەشی هاوپەیمانان، لەوانەش گرنگیدان بەو شتەی کە ناویان ناوە دەستدرێژی کۆریای باکوور.}

^{کۆریای باکوور دەڵێت، ئەم جۆرە مانۆڕە سەربازییە هاوبەشانە بەڵگەن لەسەر ئەوەی کە ئەمەریکا و هاوپەیمانەکانی دوژمنایەتیە و نیازی گۆڕینی ڕژێمیان لە باکووردا هەیە.}

^{سەرچاوە/ ڕۆیتەرز}