ژمارەی گیان لەدەستدانەکان لە سوریا زیادی کردووە و گەیشتووەتە دوو هەزار و 470 کەس. بەلایەنی کەم پێنج هەزار و 894 کەسیش لە تورکیا گیانیان لەدەستداوە و بەمەش کۆی ژمارەی ئەو کەسانەی بەهۆی بوومەلەرزەکەی ڕۆژی دووشەممەوە گیانیان لەدەستداوە گەیشتووەتە 7926 کەس.
بەپێی ئاژانسی فرانس پرێس چاوەڕوان دەکرێت ژمارەی قوربانییەکان بە شێوەیەکی بەرچاو لە سوریا بەرزببێتەوە.
بەرپرسان و کاربەدەستانی تەندروستی پزیشکی ڕایانگەیاند، پێنج هەزار و 894 کەس لە تورکیا و زیاتر لە هەزار و 900 کەسیش لە سوریا گیانیان لەدەستداوە، بەمەش کۆی گشتی گیانلەدەستدان گەیشتە حەوت هەزار و 800 کەس بەهۆی ئەو بوومە لەرزە بەهێزەی تورکیا و سوریای گرتەوە.
بەسەدان کەس لە چین وتوێژە جیاوازەکانی کۆمەڵگا لە ئەنکەرەی پایتەختی تورکیا، خەریکی کۆکردنەوەی کۆمەک و ناردنی پێداویستیەکانن بۆ ئەو شوێنانەی بەر بوومەلەرزەکەی بەرەبەیانی ڕۆژی دووشەممە کەوتوون.
پەیامنێری بەشی ئەیوب دەمیر کوردی دەنگی ئەمەریکا لەوێ بووەو پەرۆشی خەڵکەکە نیشان دەدات.
بەپێی زانیارییە فەرمییەکان ژمارەی کوژراوانی بوومەلەرزە بەهێزەکەی کە تورکیا و سوریای گرتەوە، ئەمڕۆ سێشەممە گەیشتە سەرووی 7100 کەس و تا ئێستاش کارمەندانی فریاگوزاری بە دوای ئەو کەسانەدا ەگەڕێن کە لە ژێر باڵەخانە ڕووخاوەکاندا گیریان خواردووە.
بەرپرسان و کاربەدەستانی تەندروستی پزیشکی ڕایانگەیاند، پێنج هەزار و 434 کەس لە تورکیا و هەزار و 712 کەسیش لە سوریا گیانیان لەدەستداوە، بەمەش کۆی گشتی گیانلەدەستدان گەیشتە حەوت هەزار و 146 کەس.